جديد !! تحضير سلطة برستيج سلطة راقية للضيوف

الثلاثاء 29 ديسمبر 2015
أخر تحديث : الثلاثاء 29 ديسمبر 2015 - 9:37 مساءً

الطريقة هي كتالي:

نغسلوا الخس فريزي ويقطر ونستفوه في الجوانب ديال طبسيل

ناخذوا لتر من عصير الليمون ـ باكية من إبلي أي القمح ـــ 200غ زبيب أسود مرقد في كاس ليمون دافئ ـــ 200غ كركاع مهرمش ــــ 2 دانون مسوس ـــ 2 تفاحات خضرين مقطعين مربعات ـــ 2 تفاحات حمرين مقطعين مربعات ـــ 2 م ك عسل ــــ

نسلقوا القمح في عصير الليمون + ملح + إبزار ونخلطوه مع كل هذه العناصر وتترك تبرد ثم نحطوها وسط طبسيل للي ستفنا فيه الخس ثم نقطعوا أفوكا شرائح ونعصروا عليها الحامض ونوفوها على جناب القمح

ثم ناخذوا قلب القوق مصلوق ومعمر ب : بصلة مشلظة رقيقة نشحروها في شوي زبدة ، ملح وإبزار حتى تولي ذهبية + حك الذرة + 2 م ك عصير الحامض ونخلطوا مزيان ونعمروا القوق ونرشوا عليهم فرماج بارمزان وأحمر وندخلوهم الفرن غير يتحمر الوجه ونستفوهم في جناب الطبسيل

ناخذوا لونديف نقطعوه ونلوحوه فوق الخس ، ومابين كل قوقة ناخذوا شريحة من داند مدخن تلوى بحال البلغة ونشدها بعود سنان ونعمرو بجبلي المنسم بالأعشاب مخلط مع شوي كورنيشو مقطع رقيق + م ص صوص صوجا

الصوص :

ناخذو عصير الليمون للي رقدنا فيه الزبيب يصفى ونزيدوا عليه م ص النشا + ملح + إبزار نخلطوا مزيان فوق النار ناخذوا 10ستلر قشدة طرية خاصة بالطهي نطربوها شوي ثم نضيفوها على الخليط نزيدو شوي الخل ، ملح وإبزار ثم نعملوا طبقة رقيقة فوق القمح ونرشوا شوي رقائق اللوز من فوق محمرينونصبوا شوي فوق القوق وما تبقى نعملوه في زلافة ويقدم مع السلطة

1

اتـرك تـعـلـيـق 3 تـعـلـيـقـات

* الإسم
* البريد الألكتروني
* حقل مطلوب

البريد الالكتروني لن يتم نشره في الموقع

شروط النشر:

عدم الإساءة للكاتب أو للأشخاص أو للمقدسات أو مهاجمة الأديان أو الذات الالهية. والابتعاد عن التحريض الطائفي والعنصري والشتائم.

جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة موقعي

لا تنسوا صالح دعائكن بظهر الغيب لصاحبة الوصفة على المجهود

كلمات دليلية
رابط مختصر