تحضير البايلا بطريقة ناجحة

الثلاثاء 28 أبريل 2015
أخر تحديث : الثلاثاء 28 أبريل 2015 - 1:18 صباحًا


موضع اخت ام اسامة و إيمان

مساء الخيرات والمسرات عليكم

وصفة اليوم إن شاء لله هي البايلا بطريقة بروفسيونيل

ممكن تتسائلو علاش سميتها بروفسيونيل ؟

لأنها طريقة شيف متخصص في المطبخ الإسباني وعندو خبرة ما يزيد عن 25 سنة

وبكل فخر هاد الشيف هو الأب ديالي لي كنفتاخر بيه لله يطولي عمرو ويجعل كل قطرة عرق عرقها باش يخدم علينا في ميزان حسناته يوم القيامة

أتمنى منكم الدعاء لوالدي الغالي بالصحة والعافية

المقادير : طبعا هاذي بييلا كبيرة تكفا حتى ل 14 شخص

والمقادير كتبقى عينك ميزانك لكن كل ماكان الحوت أكتر كتكون أفضل بكثير

800 غ كلمار طيبتو فالماء المملح + 1 كيلو كروفيت مقشر وشوية بالقشور + 250 غ almejas المحار

mejillones غ 500 (بوزروك ) 250غ هبرة الحوت أبيض أنا عملت كوربينا = سمك القرب
ضرس ونص كبير ديال الثوم + 1 ونص فلفلة حمرا كبيرة + 1 ونص فلفلة خضرا + 1 ماطيشة كبيرة حمرا + شوية د الجلبانة +

3 زعفران + م ك كامون + م ك عامرة تحميرة +

شووووية د لبزار + الزيت بلدية تقريبا كاس + زلافة وربع د الروز

كنحمر الفلفل شوية غير يدبال نضيف الثوم ونخليها شوية ونضيف مطيشة والعطرية والملح حتى تدبال مطيشة ونضيف الكروفيت والكلمار والجلبانة نخليهم يطيبو وحد الشوية

1
ونضيف الروز ونزوق بالكروفيت لي بقشورو و بالمحار وبوزروك بعد ما عملتهم في مقلة فيها شوية د الما طايب وخليتهم يغليو باش يتفتحو والماء لي طيبت فيه

الكلمار وفتحت بيه المحار كنمرق بيهم نخليها تطيب حتى يطيب الروز

2
بالصحة والراحة

3

اتـرك تـعـلـيـق 1 تـعـلـيـقـات

* الإسم
* البريد الألكتروني
* حقل مطلوب

البريد الالكتروني لن يتم نشره في الموقع

شروط النشر:

عدم الإساءة للكاتب أو للأشخاص أو للمقدسات أو مهاجمة الأديان أو الذات الالهية. والابتعاد عن التحريض الطائفي والعنصري والشتائم.

جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة موقعي

لا تنسوا صالح دعائكن بظهر الغيب لصاحبة الوصفة على المجهود

رابط مختصر