عصير بمذاق الخوخ الراقي بدون خوخ سهل و رخيص

الإثنين 25 نوفمبر 2013
أخر تحديث : الإثنين 25 نوفمبر 2013 - 5:35 مساءً

عصير الخوخ الراقي بدون خوخ سهل و رخيص
عصير كيجي غزااااال وكايعطي كمية كبيرة كيجي فحال إلى مصايب بالخوخ تماما كنت سمعتو في الراديو هادي شي 4 سنوات ومن تما مبقاش كايخطاني لأنه غزال وسهل جدا وكايتقام بتكلفة رخيصة نبداو على بركة الله :

كانحتاجو لهاد لعصير: كيلو خيزو + نصف كيلو سكر سنيدة +نصف ملعقة كبيرة صودا (سنيدة لحامضة )+ملعقة كبيرة من روح الخوخ (كاتباع عند لعطار تمنها 7dh )+ماء.

وطريقة غادي توضحها صور :

أول حاجة كنقطعو خيزو مدور ونديروه في لكوكوت يتسلق في ليتر واحد من لماء 1litre

1 عصير الخوخ
مني كايتصلق خيزوو نطفيو عليه نار ومباشرة نزيدو سكر وهو باقي فلكووكوت باش يدوب مع سخونيا ونبدا نحرك بملعقة خشبية حتى يدوب سكر وسمحولي ماصورتش هاد لمرحلة.

نتسناو شوية حتى يبرد لخليط تم نطحنوه فمونيليكس ونصفيه فشي بانيو كما في صور

2 عصير الخوخ

3 عصير الخوخ

4 عصير الخوخ
بعدها نزيد عليه روح لخوخ وسنيدة لحامضة ونحرك مزيان وهاد صور باش نوريكم شكل مركز لخوخ وسانيدا

5 عصير الخوخ

6 عصير الخوخ
و أخيرا كانزيد 3 لتر ماء على لخليط كامل لأنه جد مركز وهكذا كانكون حصلت 4 لترات من عصير خوخ غزال ومنعش فحلا مصايب بلخوخ نيت ماشي بروح لخوخ ولي ذاقو عندي و الله ماكايخرج حتى يطلبني نكتبليه لمقادير كيجي رااااائع بشهادة كل من ذاقو
7 عصير الخوخ

8 عصير الخوخ

نتمنى مانكونش تقيلة ظل عليكم ويكون هاد لعصير نال إعجابكم واخا تصاور ما باينينش مزيان حيت صورت فليل وتليفون كايديرهوم مضبين فليل وغي جربوه راه روعة ولذيذ ورخيص وكايحمر لوجه مع ضياف .

عصير الجزر والخوخ1

اتـرك تـعـلـيـق 23 تـعـلـيـقـات

* الإسم
* البريد الألكتروني
* حقل مطلوب

البريد الالكتروني لن يتم نشره في الموقع

شروط النشر:

عدم الإساءة للكاتب أو للأشخاص أو للمقدسات أو مهاجمة الأديان أو الذات الالهية. والابتعاد عن التحريض الطائفي والعنصري والشتائم.

جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة موقعي

لا تنسوا صالح دعائكن بظهر الغيب لصاحبة الوصفة على المجهود

رابط مختصر