خاتم الخطوبة وزواج

انا و ماما و خويا كرينا فمدينة وحدة اخرى من تمة ماشفت بابا و كنت عزيزة عليه بزاف حيث اكتشفت هدي تقريبا 6سنين “2007″ بأن هاذاك لكان كيصحبلي خويا صدق غير ولد رجل اخر “ابن غير شرعي” كانت كتعرفو ماما قبل م تزوج بابا و بابا دخلوا فحالة مدنية و عطاه كنيتو و بقينا كنعيشو غير بثلاتة كانت خدامة علينا ماما .و ف “2004″ ماما مشات تسول على بابا حنى قلولها بلي مات ف 2001.تصدمت بزاف و تعقدت مهم ف2006 ماما تعرفات على واحد راجل و بغاها واخا عارف باللي عندها 2 دراري و صدق مزوج و سامح فالمرا و جا عاش معانا فدار حيث ماما مبقاتش كتقدر تخدم علينا حيت مريضة بالضيقة و كبرات.
منين جا عاش معنا و نا نكره حياتي حيث مكنحكلووووووووووووش كنكرهوا.من بعد تعرفت على واحد شاب حبيتو من كل قلبي و هو كذلك كان كيبغيني و كان فعمري 15سنة “2007″ كانت علاقة نقية و صافية و ماكان حتى حاجة ديال افعال الحرام بينتنا كان بينتنا غير bus كنا كنركبو فنفس busو كان يشفني غير ف لمساجات و كان تيقولي باللي بغيني للزواج خصني نصبر معاه 2سنة و انا كنت صابرة معاه و كان عندي واح دفتر كنت كنت كنكتب فيه كل حاجة كتوقعلي حتى واحد نهار لقاتو ماما و قرات دكشي اللي فيه وعرفات باللي كنحب واحد دري ساكن غير حدانا و عرفات سميتو و سيفطات ولدها كيقلب عليه حتى لقاه و مشات عندو دار و كدرتلهم شوهة فدارهم و قلتلهم باللي غادي تجبلو بوليس حيت بغا بضحك عليا على بنتي .من بعد خرجتني من مدرسة 15يوم حتى بدراع رجعتني كنت هاديك ساعة كنقرا فالسنة اولى ثانوي. تفرقت مع هاداك شاب و قررات ماما باش نرحلو من هاديك دار باش منبقاش نشوفو و هاديك ايام كاملة و هما كيعملوني كبحال شي كلبة “حشكوم” و كبحال شي خدامة لا ماما و ولدها و رجلها حتى وليت تنفكر غير فالانتحار من بعد جات لماما فكرة باش تخوي لمدينة بسباب لظروف المادية المزرية خصوصا رجلها خرجوم من خدمة وان ماوفقتش نخوي معاهم مدينة قررت نهرب عند واحد صحبتي اللي كانت ديما كتوقف معايا ف الاوضاع الصعبة لا هي لا دارهم للي كانو كيعملوني كبحال بنتهم.
منين هربت عندهم ماما عرفات و قالت للام ديال صحبتي :إلا بغيتها تعيش معاكم انا معندي حتى مشكل أصلا انا مبقيتش بغاها.
بقيت عايشة معاهم مدة عام و فصيف عيطتلي ماما و بقات كتبكي و قالتي باللي توحشاتني و بغاتني نرجع لدار.انا فرحت و مشيت قبطت لكار و سافرت عندها.ماتصوروش شو كان كينتظرني من عداب.كانو كيحسبوني كثر من عاهرة و كبحال درت شي فضيحة ليهم كانو كيخلوني ناكو غير بوحدي و يفيقوني مع 6h و نعس انا لخرا حتى نسالي شغل مهم دارولي تكرفيسة ديال لحمير “حشاكم” قررت نسرقلهم 200dh باش نسافر بها و نرجع عند دار صاحبتي فعلا هربت و قبل ما نوصل لعندهم لقيت ماما عيطتلهم و قالتلهم إلى مشيتو حتى دخلتها لعندكم و خليتها تعيش معاكم غادي نجبلكم بوليس بتهمة تحريض بنتي على الفساد.منين وصل عند صحبتي خرجات عندي ماماها و قالتي باللي مقاداش على مشاكل مع بوليس ولا نتسبب ليها طلاق مع راجلها.مابقالي حتى باب فوجهي غير زنقة واليت كنبات ف محطة ديال قطار و غير ناس اللي كانو يعونوني و بقيت كنقلب على خدمة حتى لقيتها فواحد مخبزة من بعد بقيت كنخدم و كنمشي لمحطة ديال قطار نبات فيها.حتى تلاقيت واحد دري كان كيحط عليا و عارفني باني كنبات غير فزنقة طلب مني نبقي نبات ف محل ديالو بيما يدبر عليا بشي بيت للكراء.دبري فكراء و خلصولي و قالي باللي خصك تخدمي باش تبقاي تخلصي لكراء باش ميتعاداش عليا شي واحد و يضيعوني ف شرفك.منكدبش عليكم كان هاد دري كيتقرب مني و كيمارس عليا غير من لفوق.مهم داز رمضان و جا وقت قريا و انا كنت متفوقة فقراية ديالي و معمري فكرت نسمح فيها واخ منعرف شو يوقع.كان عندي هاديك ساعة تانية باك علوم حياة وارض كنت مضطرة نسمح فخدمة باش نقبط باك ديالي ع اقل يفتحلي شي باب لمستقبل.مشيت تسجلت ف و خلصت شهر ديال لكراء و شريت كتوبا و مابقالي حتى ريال باش نكل و نشرب فكرت باش نتعطى لدعارة حيت هدا هو حل وحيد باش نكمل قريتي “خير سمحولي” بقيت تنخرج بليل حتى ضيعت شرف ديالي و زدت كرهت ماما حيت هيا لوصلتني لهدشي و بقيت كنخرج معا هدا و هدا و هداك و بنهار كنمشي نقرا كبحال اي تلميذة غادة lycée خارجة من دارهم و كنت كل نهار كنتلقي هاديك صاحبتي و كتسولني في كتسكني و معامن و نا كنت كنكدب عليها كل مرة حتى سولات عليا و قالولها بالي كنت خدامة فواحد مخبزة فرمضان و تلاقتني و سولاتني في ساكنة مبغيتش نقولها خايفة تعيط ماما و تسولهم و تقولهم فين ساكنة.
بقيت مرة مرة كنمشي عندهم باش نتغدى معاهم و نرجع نقرا و فليل نخرج حتى واحد نهار وقعتلي كسيدة حادثة قدام ثانوية لي كنت كنقرا فيها كنت غادي نفقد رجليا غير الله اللي حفظني و ساقت لخبار صحبتي و بقيت جالسة معهم هادك لوقت للي كنت مريضة و عيطو لماما و قالوهالها و جات لعندي باش تشوفني و عرفات فين كنت ساكنة و طلبات من الام ديال صاحبتي نبقى ساكنة معهم باش نكمل قرايتي و تصالحت مع ماما و بقى بينتنا اتصال و كررت سنة ديال الباك بسباي شواهد طبية اللي كنت دايرة حيت كنت مريضة بزاف و فصيف مشيت عند ماما بشرط إلى عودو دارولي مرة اخرى هاكاك نرجع نهرب مرة اخرى منين
وصلت لدار عند ماما ولدها هز عليا لسكين “موس” باش يقتلني حيت قالك شوهت عائلة و ماما اللي منعاتو و قالها غير انا و هيا فدار و قرر يمشي يعيش عند خالو فمدينة اخرى و بقيت عايشة مع ماما و رجلها حتى دوزت معاهم صيف و شفت بان حالة ديالهم لمادية صعيبة بزاف و قررت نرجع لمدينة لكنت ساكنة فيها باش نكمل هاداك عام ديال الباك و رجعت نخرج بليل و كريت مع شي بنات فواحد عمارة و بقي اتصال بني و بين ماما حتى واحد نهار عيطتلي و قالتلي باللي هاداك راجل سمح فيها و مبقاش عندو باش يصرف عليها جبتها لعندي فين ساكنة بقات ساكنة معيا و مبقاوش عاجبهم لحال لبنات لي كانو ساكنين معايا و خرجوني و مشيت انا و ماما كرينا واحد البيت و لقات خدمة و انا كنقرا حتى طلبات مني نسافرو فين كانت ساكنة هاديك لمدينة لكنت كنمشي عندها فصيف و وافقت و هزتلي انتقال و مشين وكرين تما واحد بيت غير صغير و هيا كتقلب على شي خدمة باش نعيشو و سجلتني فواحد ثانوية و بديت لقريا و هيا خدامة فواحد مخبزة كدير ميناج و شفت حالة ديالها مشي ديال خدمة حيت كبرات و مريضة بزاف قررت نخرج من قرايا و كان بقيلي غير شهرين باش ندوز امتحان وطني ديال الباك و خرجت من قراية و قليت على خدمة فواحد مقهى كنغسل كيسان و خدمت و واحد نهار عيطاها هادك راجل اللي كان سمح فيها و قالها غير سمحيلي و نرجعوا و رجع عندنا و ولا ساكن معنا فهاداك بيت صغير اللي فيه 3*4متر و طلعلي الدم و قلبت على واحد خدمة نقابل واحد طفل معوق فدار و جمعت حوايجي ومشيت نخدم عند هاديك دار نقابل هاداك ولد اللي معوق خدمت عندهم شهر اللي كانا متافقين عليه و بقيت كنقلب في نسكن و كريت مع شي بنات و تسجلت ف التكوين مهني باش نكمل قريتي و عاودت رجعت لخروج بالليل و دوزت عامين فالتكوين و نجحت وديت دبلوم ديالي و جيت الاولة فمعهد و دوزت باك حر و نجحت و حمدالله كلشي تيسرلي و كريت غير بيت بوحدي و جهزت بيتي كامل و مانقصني والو و منين كنمشي نعس كنبقى نبكي حيث مردياش بهاد حالة اللي فيها كنعيش واحد ازمة نفسية صعيبة بزاف اللي كيشفني كيحسدني كيقولولي راكي عليشة بخير و لبسة مزيان و متهلية فراسك و كتقراي مزيان و لكن ربي اللي عالم اللي فقلبي و شحال كنتعدب.منين مات باب و نا كنسول ماما على عمامي و عمامتي فين ساكنين بغيت نشوفهم و هيا مبغتش و قلتها لجدتي و كانت باغا تدني عندهم باش نشوفهم ولكن مخلتهاش ماما و اصلا جدتي اللي كانت قتلي بالي هاداك ماشي خويا من باك غير من امك و صافي.مهم عادي شي عام و نصف تلاقيت ولد عمي ف فاسيبوك و هدر معيا بحكم عندنا نفس كنية و كنية ديالنا قليلة بزاف و سولني شكون باك و قلتلو ها شكون و قلي نتي راكي بنت عمي الله يرحمو ومشيت عندهم فمدينة ديال مسقط راسي و فرحت بزاف و حسيت اول مرة عندي اسرة و قيت مرة مرة نمشي عندهم و ماما عرفات و معجبهاش لحال حيت عودولي عماماتي شي حوايج خايبين على ماما و واحد مرة مشات معايا ماما لعندهم و معملوهاش مزيان.و نا كل عطلة كنمشي عندهم كيفرحو بيا و كان ديما بابا الله يرحمو قبل ما يموت كان تيسول فيا و هو فراش ديل الموت حيت كان مشلل من رجليه و ماكانش عارف فين سكنات ماما منين طلقها.
.مهم بديت كندخل فشات و مواقع ديال زواج علا و عسى نلقى شي ولد ناس يخرجني من هاد مستنقع ديال رذيلة.تعرفت على واحد راجل فموقع ديل زواج هو رجل جزائري و عايش فكندا احبني و عشقني وبغا يتزوجني و قلتها لماما بحكم انني بقا على اتصال بيها و وافقات و هدر معاها و دابا كنهدر معاه مدة7شهور غدا غادي تكمل 7شهور انشاء الله و هو مواعدني باش غادي يجي فشهر يناير1 ونا مخبيا عليه حقيقتي و منين عرفتو مبقيتش كنخرج فليل ديما مرة مرة حيت اصلا كيسفطلي كلة شهر الفلوس و دابا مبقا والو لشهر 1 و ضميري كيعدبني غير انسان مكستحقش الخداع حيت فكرت ندير عملية ترقيع البكارة و لكن مقديتش حيت بغا ندخل معاه فعلاقة زوجية مفيهش كذوب حيت بغا نتوب و نطلب من الله مغفرة و نبدا حياة جديدة مع هاد ولد ناس و منين عرفات ماما هاد انسان بصح ناوي معقول معايا و باغي يتزوجني بقات كتقطع عليا تلفون و مكتبغيش تجوبني و كتقولي نسايني سيري تزوجي و لا ديري للي بغيتي انا ماشي شغلي اصلا نت كبيرة و عمرك 21 سنة يمكلك تزوجي بوحدك بلا مانكون معاك و اصلا راكي لقيتي عمامك و عائلة ديال باك سيري عندهم و يجي يخطبك عندهم.
وانا تجرحت بزاف بهاد هدرة حيت لوقت اللي حتاجيت ماما توقف معايا فهاد اللحظة اللي بغيت نغير حياتي فيها كولها هيا سمحات فيا و قلبات عليا ظهرها.واخير مرة مشيت عند عمي قبل عيد الاضحى و عندي مرات عمي طيبة بزاف و متفهمة عولدتها على هاد رجل و نصحتني باش منفرطش فيه و قلتلي قولو يجي يخطب من عمك بحكم باباك ميت و دابا معرفتش شنو ندير.مقديتش نقولو حقيقة ديالي باللي عايشة بوحدي و ماما معمرها غادي تشوفها باش يخطبني منها و لا إلى بغا يخطبني يجي عند عمي…..هادشي بزاف عليا كنفكر نسمح فيه و نبدل نمرتي ديال تيليفون و نسد هاداك سكايب اللي كنهدرو فيه و لكن خايفة توقعلوا شي حاجة حيت اصلا عندو قلبو ضعيف و كيبغيني بززززززززااااف و ضحى معايا بزاف ديال حوايج اللي دارهم على قبلي.
عافكم نصحوني راني حايرة و عارفة باللي طولت عليكم بزاف ولكن حبيت نشارك بقصتي امامكم و تعرفوا واحد قصة ديال بنت من بنات هاد شعب و هادي غير قصتي علم لله شحال من وحدة اللي دايزة عليها كثر مني.كنشكر هاد موقع اللي عطاني فرصة باش نفضفض على راسي و نعرض قصتي و كندعوا لكل بنت بربي يعاونها و يفكها من اي مشكل.
وشكرا

khti ana kanhayik 3la sarahtak obhalak bazaaaaf m lfar9 ana rabi 3tak 9raytak wana la wlfar9 libinatna ani ana m3awalidiya wbaraniya 3lihom wbhal lkhadama 3andhom m kant wmazala kan9ol rabi kbir w3amarni fakart nkhroj bara mhm ahsan haja diriha m3a had wald nas lijak hiya tsarhiih w2akid gayfahmak inxa2alah