حلوة غريبة الكوك والمعتمدة بطريقة ناجحة بالصور

الأربعاء 6 سبتمبر 2017
أخر تحديث : الأربعاء 6 سبتمبر 2017 - 8:03 مساءً


وصفة الاخت اية تبارك الله عليها

بالنسبة للمقادير غنحتاجو:
زلافة متوسطة بيض انا خدات ليا ست بيضات صغار
زلافة سنيدة
زلافة سميدة رقيقة
كاس عنبة زيت
١خمارة حمرا
و 3زلايف كوك
قشرة حامضة محكوكة
والسكر كلاصي سبيسيال للتفناد
غنبداو على بركة الله نخلطو البيض والسنيدة انا وليت مؤخرا كنخلط البيض والسنيدة والزيت فمولينكس كنت سمعتها من واحد اختصاصية فالحلويات فالراديو قالت لك هاد الطريقة كتعطينا نتيجة افضل فالغريبات
لمهم ملي كيتخلطو نزيد الزيت ونكمل نخدمهم مزيان ثم كنكبو الخليط فجبانية ونزيد عليه السميدة والكوك والخمارة وهنا نوعية الكوك كتحكم واش نديروه كامل او نقصو لقليل من الزلافة التالتة يعني الزلافة الاخيرة كنزيدو غي بلقياس وكنشوفو خص الخليك ايكون متماسك ولكن مرخوف مزيان محيت الا كان قاسح مكتشققش وكتجي بحال حجرة ويلا كان مرخوف بزاف كتسيح لينا
فهاد المرحلة مهمة جدا فانجاح الوصفة
كندهنو يدينا بالزيت ونبداو نكورو كويرات ونفندهم فالسكر
ونغطيهم مزيان بالسكر من لفوق ونحطهم فلاطة مفرشة بلبابيي سيلفرزي
كنسخنو لفران مزيان من فوق وتحت عاد كندخلها للفران على حرارة متوسطة وندير اللاطة لفوق حتى كتشقق عاد نهبطها شوية لتحت باش تتحمر لقاعدة
انا بحكم عندي لفرفارة غي كتشقق كنلقاها تقريبا تحمرات من تخت
وكنحديو معاها باش متتحمرش بزاف باش متيبش
كنتمنى تكون المراحل واضحة والتفاصيل اللي ذكرت تفيدكم ان شاء الله فالحصول على نتيجة مرضية
B

C

D

E

F

G

H

I

J

اتـرك تـعـلـيـق 1 تـعـلـيـقـات

* الإسم
* البريد الألكتروني
* حقل مطلوب

البريد الالكتروني لن يتم نشره في الموقع

شروط النشر:

عدم الإساءة للكاتب أو للأشخاص أو للمقدسات أو مهاجمة الأديان أو الذات الالهية. والابتعاد عن التحريض الطائفي والعنصري والشتائم.

جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة موقعي

لا تنسوا صالح دعائكن بظهر الغيب لصاحبة الوصفة على المجهود

رابط مختصر