كيك صغير بموس الحامض فمول الكاب كيك

السبت 5 أغسطس 2017
أخر تحديث : السبت 5 أغسطس 2017 - 12:17 مساءً

المقادير:
جينواز بالشكلاط،250ملل قشدة طرية،فرومبواز للحشو او فريز حسب المتوفر، شكلاط محكوك للتزيين.ملعقة كبيرة جيلاتين مدوبة فجوج ملاعق ماء بارد،
كريمة الحامض: 2 بيضات،125غ سكر ، ملعقة كبيرة قشور حامض، 3 معالق كبار حليب نستلي، 3 معالق كبار زبدة، نصف معلقة صغيرة نشا، كاس عنبة عصير الحامض.
نخلطو كل المقادير في كاسرولة ونحطوها على نار متوسطة مع التحراك حتى تعقاد الكريمة ونزولوها من النار ونديروها فشي اناء ونغطيوها ببلاستيكة ونخليوها تبرد غير فالمطبخ ملي تبرد مزيااان غتكون جاهزة للاستعمال.
نطربو القشدة الطرية مع القليل من السكر، ملي تبرد كريمة الحامض كندوبو الجيلاتين فماء بارد ملي يطلق نسخنوه شوية باش يدوب ونخلطوه مع كريمة الحامض وحنا كنخلطو مزيان وبسرعة باش ميتكتلش الجيلاتين ومن بعد نبقاو نضيفو القشدة لي طربنا لكريمة الحامضبشوية مع التحراك من الفوق للتحت حتى نكملوها وينساجم الخليط وها الموس واجد،
نقطعو الةيك على حسب المولات لي عندنا كل مول نقطعو ليه دائرة للقاعدة ودائرة اخرى اصغر منها ،
نجيو دابا للمونطاج نحطو اول حاجة قاعدة الكيك فالمولات ونسقيوهم بالسيرو او عصير الليمون من بعد نديرو طبقة من الموس ونستفو الفرومبواز فالجوانب ونغطيو شوية بالموس ونديرو الكيك الصغير فالوسط ونسقيوه من بعد نغطيو بالموس كل المول ونستامرو هاكدا حتى نكملو، نغطيو المولات ونحطوهم فالثلاجة ليلة كاملة حتى يتماسك مزياان ونزينوه كيما فالصورة وكل واحد حسب الاختيار وبالصحة والراحة.

B

C

D

اتـرك تـعـلـيـق 0 تـعـلـيـقـات

* الإسم
* البريد الألكتروني
* حقل مطلوب

البريد الالكتروني لن يتم نشره في الموقع

شروط النشر:

عدم الإساءة للكاتب أو للأشخاص أو للمقدسات أو مهاجمة الأديان أو الذات الالهية. والابتعاد عن التحريض الطائفي والعنصري والشتائم.

جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة موقعي

لا تنسوا صالح دعائكن بظهر الغيب لصاحبة الوصفة على المجهود

رابط مختصر