تحضير بيتزا بشكل جديد للي داقها مستحيل مايطلبش الزيادة

الجمعة 10 مارس 2017
أخر تحديث : الجمعة 10 مارس 2017 - 4:08 مساءً

المقادير :

600 غ دقيق فورص ممتاز
3 معالق كبار حليب غبرة
2 معالق صغار خميرة العجين
معلقة كبيرة سنيدة
شوية ملح
50 غ زبدة بحرارة المطبخ

الطريقة :
كيف العادة نعمل الخميرة والملح وسنيدة فزليفة ونخوي عليهم ميهة باش يرطابو
نجمع جميع المواد بماء دافىء حت نحصل على عجين رطب ومتيلصقش فاليدين

ناخد الزبدة ونضعها وسط العجين ونعركها مزيان

نعمل منها الحجم المرغوب ونخليها حت يتضاعف الحجم ديالها
ملي تطلع مزيان عاد نبدا نشكل منها االشهيوات لي بغيت

الحشوة :

تناخد مطيشة على حسب الكمية لي غندير نغسلها ونقيها ونقطعها مربعات ضريس التوم مكرد ربيع كدلك وحك مطيشة مصبرة نعمل كلشي فكاسرونة ونزيد التوابل ملح ابزار كمون وزيت الزيتون وشوية الماء ونعملهم يتشحروا مزيان حت توقف المرقة ونزيد قطع الشومبنيو اختياري
كنشلض البصل يااما تنعملوا اخضر او نشفوا ونحمروا والاكترية تنعملوا اخضر تيعطي مداق زوين للبيتزا ونقطع دوائر فلفلة حمراء وخضراء الزيتون مقطع والكاشير محكوك طون وفرماج موزريلا محكوك هو ولفروماج احمر
كناخد العجين ونسرحوا مزيان ونعمل لاصوص مطيشة والشومبنيون على العجين بكامله تم البصلة مشلظة خضرة او محمرة على حسب الرغبة وتنرش الكاشير غي شوية ونرش لفرماج حت هو غي شوية

نعمل كويرات صغار على قد زيتونة ونعمرهم بطريف تاع لفروماج احمر نغطسهم فابيض البيض ونمرمدهم مرة فالفروماج احمر ومرة فالزنجلان ونزوق جوانب البيتزا ونزوق بالفلفلفة الوان

ندخلها للفرن طيب من لتحت ملي نقلبها ونصيبها طابت نخرجها نعمرها بالطون مقطع قطع صغيرة ونزيد طبقة من الكاشير وطبقة اخرة من الفروماج الاحمر والموتزريلا ونزوق بالزيتون الا كان متواجد
نعاود ندخلها للفرن غي تصهد من لوجه غي تيدوب الفرماج تنزولها
نخرجها نسقيها بشوية زيت الزيتون ونحك فوق منا الزعيترة

بالصحة والعافية

B

اتـرك تـعـلـيـق 0 تـعـلـيـقـات

* الإسم
* البريد الألكتروني
* حقل مطلوب

البريد الالكتروني لن يتم نشره في الموقع

شروط النشر:

عدم الإساءة للكاتب أو للأشخاص أو للمقدسات أو مهاجمة الأديان أو الذات الالهية. والابتعاد عن التحريض الطائفي والعنصري والشتائم.

جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة موقعي

لا تنسوا صالح دعائكن بظهر الغيب لصاحبة الوصفة على المجهود

رابط مختصر