هاد المنتجات جربتها وكانت اكتر من رائعة

الأربعاء 23 يناير 2013
أخر تحديث : الأربعاء 23 يناير 2013 - 10:26 مساءً

سلام عليكم اخواتي 
باختصار انا شعري ناشف وزدت كملت عليه بالصباغة وليميش
واخا كندير الماسكات بزززاف هالزيوت هاضانون هالمايونيز مفعول النعومة اول ماندير الشمبوان كنرجع نحس شعري ناشف
وملي نخرج من الدوش اسوء حاجة عندي هي من نبغي نمشط شعري كتوحل فيه المشطة خصوصا في دوك الزغبات اللي فيهم ليميش كنحس بيهم كارمين وكنبغي نبكي وانا كنمشط حيت كل شوية كيتقطعو دوك الزغيبات وليت هازة الهم لغسيل الشعر وكنحاول نتفادى نغسلو بززاف لانه اول مايفزك كتوحل فيه المشطة كيف قلت لكم

الحمد لله هاد المشكل مشا بالمرة ملي جربت هاد الماسك
elseve anti casse

كنديرو بعد الشامبوان وندير فوقو البوني ديال البلاستيك واحد خمس دقايق ونشللو مزيااااان من شعري 

وفي نفس اللحظة كنحس بالنعومة والله احسن من اي ماسك طبيعي 

وملي كنخرج من الدوش وكنشف شوبة شعري بالفوطة 
كنرش ليه هاد المنتوج التاني اللي من نفس الماركة 

كنخليه شوية في انتظار نلبس حوايجي متلا وكنرجع ليه نمشطو المشطة تبارك الله كتمشي تجري فيه وكندورو وندير ليه اللي بغيت 

بصراحة المنتوجين اكتر من راءعين 

الماسك ب خمسين درهم
والسبراي اي الرشاشة التانية ب 45 درهم

نتمنى تجربتي تكون مفيدة ليكم
وبغيت منكم شي دعيوات من القلب

رابط مختصر