طورطة كلاصي بي لاموس بالشكلاط والنباج ميروار كتجي راقيه

الأربعاء 26 أكتوبر 2016
أخر تحديث : الأربعاء 26 أكتوبر 2016 - 7:46 مساءً

جينواز باللوز : 3 بيضات مفصولين + 40 غ سكر + 30 غ دقيق + 50 غ بوذرة اللوز + 15 غ كاكاو + قبصة ملح
الطريقة : نطرب أبيض البيض مع السكر حتى نحصل على مورانك ماشي واقف بزاف ثم نضيف صفار البيض ونخلط من لفوق لتحت شوية بشوية ثم نضيف الدقيق وبوذرة اللوز والكاكاو والملح لي خلطتهم مع بعضهم ونخلط دائما من لتحت لفوق بلا مانهرس المورانك نعمل الخليط كطبقة رقيييقة من الجينواز وندخلو يطيب في فرن مسخن من قبل على 180 درجة 10 دقائق على الأكثر مانفوتهاش ونقطع بإطار أصغر من الإطار لي غادي نخدم فيه لاموس

طبقة البرالين : 100 غ برالين + 70 غ شكلاط أسود ممتاز + 60 غ فيوتين
الطريقة : نخلط البرالين مع الفيوتين والشكلاط ذايب حتى نحصل على خليط متجانس نطلقو بين ورق السولفيريزي أو البلاستيك ونشكل منو طبقة رقيقة ونقطعها بواسطة إطار أصغر من الإطار لي غادي نخدم فيه لاموس وندخلها للكونجلاتورتشد راسها مزيان

لاموس : 375 غ شكلاط أسود نوع ممتاز + 80 غ برالين + 220 غ كريم سائل + 3 أوراق جيلاتين + 375 غ كريم
الطريقة : ندوب الشكلاط في حمام مائي ونضيف عليه البرالين ونخلط حتى يدوب البرالين ونخليه على جنب
نعمل الجيلاتين ترطاب فالما و نسخن 220 غ كريم سائل ونحيدو من فوق النار ثم نضيف عليه الجيلاتين ونخلط مزيان ونتأكد أن الجيلاتين داب ونحتفض بالخليط على جنب
بعد مايبردو شوية خليط الشكلاط وخليط الكريم نبدا نطرب 375 غ من الكريم تطراب خفيف يعني ماشي كيف كنطلعو الشونتيي باش نزينو بيها الكيك لا تبقا شوية خفيفة ثم نضيف خليط الكريم الأول على خليط الشكلاط ونخلطو مزيان حتى ينسجمو مع بعضهم ثم نضيفوهم على الكريم لي طربنا شوية بشوية مع التحريك من لتحت لفوق
نكونو وجدنا الإطار وعملنا وسطو طبقة الجينواز وفوقها طبقة البرالين ونزلو فوقهم لاموس لي وجدنا ونبداو من الجوانب حتى نكملو كيمة لاموس كامل ندخلوها للكونجلاتور من الأحسن ليلة كاملة

نباج ميروار : 90 غ ماء + 110 غ سكر + 75 غ كريم سائل + 50 غ شكلاط أبيض ممتاز + 2 أوراق جيلاتين + ربع م ص ملون أحمر وعموما اللون ممكن تتحكمو فيه حسب الدرجة لي بغيتو
الطريقة : نعمل الجيلاتين ترطاب في الماء
نعمل السكر مع 90 غ ماء فوق نار متوسطة حتى يدوب السكر ثم نضيف الكريم نخلط مزيان ونحيدو من فوق النار ثم نضيف الشكلاط مع التحريك المستمر حتى نتأكد أن الشكلاط ذاب كامل
ثم نضيف الجيلاتين ونخلط مزيان
من الأحسن ندوزالخليط في مصفاة باش نتأكد أني تخلصت من أي شوائب
نخلي الخليط يبرد حتى يوصل ل 28 درجة مئوية عاد ممكن نستعملو
نجبد لاموس ونحيدها من الإطار و نقاد الجوانب والوجه ديالها نزلها فوق شبكة ونفرغ فوقها النباج ميروار
خصو شوية د الخاطر ونخوي ونجمع الخليط لي نزل لتحت ونرجع نفرغو فوقها نغطيها مزيان ونخليها تبرد شوية وطبعا التزيين حسب الإختيار
نتمنى نكون فدتكم وماتنساونيش من صالح الدعاء ولكم بالمثل بحول الله

B

اتـرك تـعـلـيـق 0 تـعـلـيـقـات

* الإسم
* البريد الألكتروني
* حقل مطلوب

البريد الالكتروني لن يتم نشره في الموقع

شروط النشر:

عدم الإساءة للكاتب أو للأشخاص أو للمقدسات أو مهاجمة الأديان أو الذات الالهية. والابتعاد عن التحريض الطائفي والعنصري والشتائم.

جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة موقعي

لا تنسوا صالح دعائكن بظهر الغيب لصاحبة الوصفة على المجهود

رابط مختصر