التشيز كيك بالمونج و الحامض

الأحد 12 يونيو 2016
أخر تحديث : الأحد 12 يونيو 2016 - 5:47 مساءً

التشيز كيك بالمونج و الحامض

البيسكوي:
180 غ بيسكوي ماريا ديال الاطفال مطحون
70 غ زبدة دايبة
نخلطو البيسكوي مع الزبدة، نوجدو الاطة لي غتدخل الفران نفرشوها ب بابيي كويسون نحط فوقمنها إيطار دائري نحطو الخليط ديالنا ف الايطار و نضغطو عليه باليد حتى نوزعوه على الايطار بشكل متساوي نحطوه جانبا حتى نرجعو ليه.

الكريمة رقم 1 :
2 جبلي
100 غ سنيدة
3 اصفر بيض
قشور 4 حامضات
50 غ طحين
ابيض 3 بيضات
50 غ سنيدة
نخلطو جبلي مع 100 غ السنيدة و قشور الحامض بالخلاط الكهربائي حتى يكون الخليط ناعم ثم نضيفو ليه اصفر البيض وحدة بوحدة حتى يمتازج الخليط ثم نزيدو الطحين ونخلطو مزيان. ثم نطربو ابيض البيض مع 50 غ سنيدة حتى يولي بحال الثلج ثم نخلطوه مع الخليط الاول بمهل.
نصبو الكريمة رقم 1 فوق البسكوي لي فالايطار ثم ندخلوه فران سخون لمدة نصف ساعة او اكثر على حسب الفران، نختابروها بحال الكيك ندخلو فيها موس و نخرجوه الا مالسق فيه والو يعني راه طاب، العافية تكون غير من التحت حتى الاخير عاد نشعلوها من الفوق.
من بعد مايطيب نخليوه يبرد وياخد درجة حرارة المطبخ ثم ندخلوه للثلاجة.

الكريمة رقم 2 :
1 جبلي
250 غ كريمة
قشور 2 حامظات
50 غ سنيدة الا كانت الكريمة مسوسة اما الا كانت الكريمة حلوة بلاش من السكر
نطربو الكريمة حتى تولي شانتيي من بعد نخلطو جبلي مع قشور الحامض و السنيدة مزيان ثم نضيفو ليه الشانتيي و نخلطوه.
نصبو الكريمة رقم 2 فوق الكريمة رقم 1 بعدما تكون بردات مزيان ثم ندخلوها للمجمد لمدة ساعة تقريبا.

جولي المونج:
450 غ مونج مطحون فدرجة حرارة المطبخ
8 معالق عصير الحامض
4 اوراق جيلاتين
سكر على حسب حلاوة المونج، انا مزتش ليه السكر حيت المونج جاني حلو
نرطبو اوراق الجيلاتين فالماء عادي ثم نزولو ليهم الماء نخليو معاهم جهد نصف كاس صغير دالماء ثم ندوبوهم فحمام مريم او مباشرة فوق عافية مهيلة و نردو البال باش مايغلاوش لان الجيلاتين الا غلى كيفقد المفعول ديالو، نخلطو الجيلاتين مع المونج و الحامض ثم نصبوه فوق الكريمة رقم 2 ثم ندخلو للمجمد مرة اخرى لمدة ساعة.
نخرجو تشيز كيك ديالنا و نزولو ليها الايطار و نزينوها على حسب الرغبة او نخليوها بلا تزيين لان من المعروف ان تشيزكيك كتبقى سامپل بلا تزيين.

و بالصحة و الراحة

B

اتـرك تـعـلـيـق 0 تـعـلـيـقـات

* الإسم
* البريد الألكتروني
* حقل مطلوب

البريد الالكتروني لن يتم نشره في الموقع

شروط النشر:

عدم الإساءة للكاتب أو للأشخاص أو للمقدسات أو مهاجمة الأديان أو الذات الالهية. والابتعاد عن التحريض الطائفي والعنصري والشتائم.

جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة موقعي

لا تنسوا صالح دعائكن بظهر الغيب لصاحبة الوصفة على المجهود

رابط مختصر