تحضير ديسير بشكل جديد لذيذ و راقي فنفس الوقت

الخميس 3 مارس 2016
أخر تحديث : الخميس 3 مارس 2016 - 9:55 صباحًا


الطبقة الاولى :
كانديرو البيسكوي اي نوع عندك ماريا كولدن هنريس اللي بغيتي .

من بعد كتديري الطبقة الثانية

الطبقة الثانية :
نصف لتر حليب مع 3 معالق سكر سنيدة و فلان بنكهة الفاني و 2 معالق كبار نشا كاتخلطي مزيان في كاسرول و تديريهم على نار متوسطة حتى يبدا يعقاد و تخويه فوق البيسكوي .
تخليه يبرد و تستفي فوقو البنان دوائر معصور عليه الحامض باش مايكحالش .

الطبقة الثالثة:
نصف لتر حليب 3معالق سنيدة فلان فاني 2معالق نشا 1 معلقة كاكاو مر نكهة القهوة او ساشي نسكافي و تخلطي مزيان نفس طريقة حتى يعقاد و تخويه فوق البنان و تفرشي طبقةجديدة من البسكويت و تستفي طبقة من الفريز مقطع .
و توجدي الكريمة الثالثة نصف لتر حليب 3معالق سنيدة 2 معالق نشا فلان فاني ضفت معاه نكهة الفرامبواز ممكن تعتمدي اي نكهة بغيتي او تكتفي بقشرة الحامض مبشورة و ملي يعقاد تصبيه فوق الخليط و تخليه يبرد و تزينيه بالشوكولا مبشورة . فواكه لوز مهرمش على حسب الرغبة .
ملحوظة :

كانحتاجو ضروري اطار كايتحل باش يسهال علينا نزيلوه.
بالصحة و الراحة.
B

C

D

اتـرك تـعـلـيـق 0 تـعـلـيـقـات

* الإسم
* البريد الألكتروني
* حقل مطلوب

البريد الالكتروني لن يتم نشره في الموقع

شروط النشر:

عدم الإساءة للكاتب أو للأشخاص أو للمقدسات أو مهاجمة الأديان أو الذات الالهية. والابتعاد عن التحريض الطائفي والعنصري والشتائم.

جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة موقعي

لا تنسوا صالح دعائكن بظهر الغيب لصاحبة الوصفة على المجهود

رابط مختصر