تحضير تارت مالحين بالخطوات المصورة

الثلاثاء 16 فبراير 2016
أخر تحديث : الثلاثاء 16 فبراير 2016 - 10:17 مساءً

السلام عليكم و رحمة الله و بركاته

بسم الله

هذه الوصفة فيها مرحلتين : تحضير les barquettes بالعجينة البريزي, و تحضير الميني تارت كاملين.

تحضير les barquettes : أول شيء لازم نحضرو العجينة البريزي و هذه مكوناتها :

B
250غ فرينة, 150غ زبدة باردة مقطعة , أصفر بيضة, 1 م ص ملح, و لمستي الخاصة و الخاصة جدا 1 م ك اكليل و زعتر مرحين, و نصف كاس ماء بارد. تكفي تقريبا ل 30 قالب صغير.

التحضير : نخلط الفرينة مع الملح و الكليل و الزعتر, و بعد نخلط مع الزبدة و اصفر البيضة بأطراف الأصابع و كإنك تقرصي (ردو بالكم ما تعجنوش!!!!!) حتى تتحصلو على مزيج متجانس ترابي يشبه للكسكسي :
C
و بعد زيدي الماء بالشوية و حاولي فقط تجمعي بيه العجينة موش تعجني, حتى تتلم العجينة :

D
حطي العجينة في كيس و خليها ترتاح من ربع ساعة لنصف ساعة في الثلاجة , و بعد خرجيها خليها شوية و بعد حليها مع استعمال الفرينة باش ما تلصقش

E
حطي القوالب الصغار من تحت , دخلي العجينة شوية و قصيها بالضغط متاع ايدك :

F
نقبيهم بالفرشيتة :

G
سخني الفرن على درجة 200 من فوق و تحت, حطي الطبق في الوسط. تقريبا 20 دق و هذه النتيجة :

H

I
ملاحظة : كل ما يكون عندك أكثر عدد من القوالب يكون الشغل أسهل.

لما تكملي كل الكمية , خليهم يبردو و حطيهم في علبة في الثلاجة لحين الاستعمال:
J

هذه المرحلة الثانية : تحضير الحشو و الديكور

للديكور : جبن شرائح, زيتون شرائح و حبات ذرة مالحين. و كل حد حسب ذوقه.

الجبن شرائح قصوهم بهذه الطريقة : قوالب الحلويات

A
حاولو تغطية الأشكال بالبلاستيك من جديد حتى لا تنشف

تحضير الحشو : انا حطيت برشة مكونات و انتم كل حد و ذوقه , إذا تحبو تضيفو مكونات أخرى أو تنقصو .

مكونات : 2 صدر دجاج مطبوخين و مقطعين بعد ما خرجتهم من الصالصة يعني ناشفين . (طبختهم في ماء, زيت زيتون, بصل و ثوم رقيقين, كركم , ملح, كليل و زعتر مرحين, فلفل أسود)

2 بطاطا مسلوقة في ماء و ملح

3 بيضات مسلوقة و مقطعة

معدنوس مقطع

شوية تن

زيتون مقطع

الجبن شرائح اللي بقى بعد ما نحيت الأشكال للديكور.

جبن مرحي

خلطت كل المكونات بالشوكة :
B
خذيت من الحشو هذا شوية استعملتو في ميني سندويتشات, و زينتهم بالحبة السوداء و الذرة المملحة.

و أضفت لبقية الحشو 3 بيضات نية, (لأن الكمية ضهرتلي قليلة)

إذا تحبو ما تضيفوش البيض الني تقدرو

هذا الخليط اللي تحصلت عليه , فوحوه بالملح و فلفل أسود :

C
نعبيو الباركات بالحشو :

D
أنا هنا عملت غلطة إني دخلتهم للفرن و بعد ما خرجتهم حطيت الجبن الشرائح , لذلك الجبن ما عطاش منظر حلو برشة , نصيحة : الجبن اللي حضرتوه للديكور حطوه فوق الحشو قبل لا تدخلوهم للفرن.

الفرن 200 درجة من تحت و فوق.

ما يطولوش برشة في الفرن, على حسب كمية البيض الني اللي استعملتيه.

و لما تخرجيهم زيني بأنصاف أعواد الأسنان : حطي في كل واحد شريحة زيتون و حبة ذرة.

و هذه النتيجة الأخيرة : 30 ميني تارت مالحة و شوية ميني سندويتشات.
E

F

G

H

اتـرك تـعـلـيـق 1 تـعـلـيـقـات

* الإسم
* البريد الألكتروني
* حقل مطلوب

البريد الالكتروني لن يتم نشره في الموقع

شروط النشر:

عدم الإساءة للكاتب أو للأشخاص أو للمقدسات أو مهاجمة الأديان أو الذات الالهية. والابتعاد عن التحريض الطائفي والعنصري والشتائم.

جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة موقعي

لا تنسوا صالح دعائكن بظهر الغيب لصاحبة الوصفة على المجهود

رابط مختصر