جديد !! تحضير الكيك العجيب بالصور

السبت 14 نوفمبر 2015
أخر تحديث : السبت 14 نوفمبر 2015 - 7:18 مساءً


موضوع الاخت ام ريان جزاها الله عنا كل الخير
السلام عليكم ورحمة الله تعالى وبركاته
اش خباركم اصدقائي نتمنى تكونو بالف خير
اليوم جبت ليكم هد الكيك العجيب فعلا وماجيك نيت فيه شي سحر عجيب ههه جربتو وجا غزال وواحد المداق رائع رائع يممممممممم او كيتقدم كديسير ياااااا سلام
المقادير:
كيك ماجيك
4 بيضات + 150 غ سنيدة + 125 غ زبدة مدوبة +
115غ دقيق + ملعقة ماء + 2ملعقة عصير حامض
نصف لتر حليب + 2 فاني + ملح
يطرب أصفر بيض+سنيدة+الماء حتى الحصول على كريما ثم نضيف الزبدة +الحليب +فاني + م عصير الحامض ونحتافضو بوحدة غنطربوها مع ابيض البيض +الطحين ثم أبيض البيض مطرب مع الحامض يخلط الكل وتعمل في مول مدهون بالزيت ومغلف بالبي سيلفيريزي وإلى الفرن انا عملتها في فرن مسخن من قبل منبعد دخلتها الفران 60 دقيقة كتكون واجدة او محمرة من الفوق
ملي تطيب راه كتهبط خلوها في حتى تبرد غير غطيوها بسلوفان وخلوها 6 ساعات في الثلاجة على الاقل انا عملتها في المجمد دغيا بردت قطعتهاليكم باش تشوفوها
نتمنى تعجبكم كيف ما حمقاتني انا بالفعل
وغتلاحظو مني كتطيب كيوليو 3 الطبقات من عند الله ههههه داكشي علاش سماوها كيك ماجيك لانها كتعزل بوحدها في الفرن
مني تخلطوها العجينة كتكون جارية متخافوش غير تدخل الفرن وهي كتقاد راسها
ايوا ماشي كيك ماجيك هدا
على فكرة هاد الكيك مكيجيش منفوخ

1

2

3

4

5

6

7

8

9

10

اتـرك تـعـلـيـق 1 تـعـلـيـقـات

* الإسم
* البريد الألكتروني
* حقل مطلوب

البريد الالكتروني لن يتم نشره في الموقع

شروط النشر:

عدم الإساءة للكاتب أو للأشخاص أو للمقدسات أو مهاجمة الأديان أو الذات الالهية. والابتعاد عن التحريض الطائفي والعنصري والشتائم.

جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة موقعي

لا تنسوا صالح دعائكن بظهر الغيب لصاحبة الوصفة على المجهود

رابط مختصر