جديد !! تحضير كوكلي معسل مرفوق بالسفة ديال الكسكس

السبت 17 أكتوبر 2015
أخر تحديث : السبت 17 أكتوبر 2015 - 8:39 مساءً


تحضير كوكلي معسل مرفوق بالسفة ديال الكسكس

في الطنجرة كنشلضوا 2 بصلات كبار و التومة تقريبا 6 ريوس و شوية اللب ديال الحامض مصير و العطرية ابزار سكين جبير زعفران عواد و زعفران شعرة وواحد طوبة ديال كنور الدجاج و القرفة شوية و الملح غير شويةو معلقة صغيرة السمن و شوية الزيت العادية و كنخلطوا الكل و كنشرملوا بهم الكوكليات من جميع الجوانب

1

منين كنشرملوا الكوكليات كنجمعوا الرجيلات ديالهم و نمرقوا بالماء على حساب فاش يطيب الكوكلي اي الماء ما نكتروهش يكون على حد الكوكلي تم كنظيفوا القزبر و المعدنوس مربطين و عويدات ديال القرفة و نغطيوا الطنجرة ديالنا مرة مرة نطلوا على الطنجرة و نقلبوا الكوكلي باش يطيب من كل الجهات

2

3

منين يطيب الكوكلي نحيدوه من الطنجرة و نخليوا ديك المرقة تشحر حتى توقف مع التحريك المستمر تم كنظيفوا للمرقة واحد نصف كاس عسل من الاحسن تكون حرة و نردوا الكوكليات حتى يتعسلوا في ديك المرقة المعسلة صافي نطفيوا عليهم

4

5

في قصرية عملت نصف كيلو الكسكس من الاحسن يكون رقيق انا استعملت المتوسط لانه هو اللي كان موجود كنرشها بكاس تقريبا فيه ربع ليتر ديال الحليب و نحركها و نحكها بباطن اليدين حتى تتششرب و تنفصل عن بعضها تم نديرها في الكسكاس تتبخر لمدة 20 دقيقة

6

منين تبخر نرجعها للقصرية و ندهنها بالزيت و الملح و نحرها بباطن اليدين تم نردها للكسكاس تتبخر لمدة 20 دقيقة

7

منين تتبخر نخويها في القصرية و نرشها بكاس ديال الحليب و نحركها و نحكها بباطن اليدين تم نبخروها لمدة 20 دقيقة

8

منبن تبخر نردها للقصرية و ندهنها بالزبدة و نزيدها شوية الزبيب رقدناه من قبل في الماء و نرقدوها تتبخر حتى يطيب الزبيب صافي

9

و منبن تتبخر نعملو ليها شوية السنيدة و نحركوها و نقدموها و التزيين كيبقى اختياري

10

11

بالنسبة لتعسال البرتقال خديت 2 برتقالات و 1 برتقالة غير القشرة ديالها للتزيين و غسلتهم مزيان و قطعتهم دوائر و سلقتهم في الماء واحد الشوية تم صفيتهم و عملتهم في كمقلات مع شوية الزبدة و السكر سنيدة و شوية القرفة و خليتهم حتى تعسلوا صافي و زينت بيهم الطبق نخليكم مع الصور

12

13

14

15

اتـرك تـعـلـيـق 0 تـعـلـيـقـات

* الإسم
* البريد الألكتروني
* حقل مطلوب

البريد الالكتروني لن يتم نشره في الموقع

شروط النشر:

عدم الإساءة للكاتب أو للأشخاص أو للمقدسات أو مهاجمة الأديان أو الذات الالهية. والابتعاد عن التحريض الطائفي والعنصري والشتائم.

جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة موقعي

لا تنسوا صالح دعائكن بظهر الغيب لصاحبة الوصفة على المجهود

رابط مختصر