جديد!! تحضير صابلي الهرم بالكراميل

السبت 17 أكتوبر 2015
أخر تحديث : السبت 17 أكتوبر 2015 - 5:42 مساءً


مقادير البسكويت:
250* غرام زيدة انا كندير ديال العبار بنينة انتي لك الاختيار
140* غرام سكر كلاصي
150* غبرة اللوز
*معلقة كبيرة كاكاو
*معلقة صغيرة روح ديال الكراميل الميكا روم لي كتعطي المداق واللون . الي ساكنة في كازا راها كتباع في سوق الجميعة بالتقسيط.
*ضروري قبصة ملح

الدقيق على حيب الخليط عينك ميزانك المهم العجينة تكون مقاصحش وممرخياش نجمعوها ونقسموها على 3 باش نغلبو عليها ونديروها في التلاجة واحد 15 دقيقة.

ناخدوها ونديروها بين 2 بلاستيكات باش تسهال علينا نطلقوها الكل مبين في الصور

1
نطلقوها بالمدلك العادي من بعد نزيلو البلاستيك ونزوقوها بالمدلك المدرج او المدلك المورد راهم كاينين في السوق

2

3
نقطعوها بالمقطع على شكل هرم مشنف ونستفوها في اللاطة

4
ندخلوها الفرن درجة حرارة 120 شي 8 حتى 10 دقايق خاصها تحتفظ باللون ديالها كيف ما مبين على الصورة

هاهي من بعد ما خرجات من الفرن تقولي كاع ما طايبة ههههه
6
الان غدي ندوزو لكلاصاج ساهل ماهل

الكلاصاج المقادير
* رابعة ناباج
*رابعة شكلاط ابيض
* معلقة كراميل ميكا روم
الكل في كاصرونة في حمام مربم مع التحريك الخفيف الى ان يصبح كراميل
7
نلصقو وحدة فوق وحدة

8
نغمسو الجنيبات ونفندوهم في الفرميسال ديل الشكلاط

9
ونخليوهم في التلاجة واحد الساعة ونفدموهو بالصحة والراحة

10
سمحو ليا انا مصورتهمش مقادين في التستيفة لي عملت في البلاطو كنت زربانة شوية المهم راهم غزالين . بحال وجوهكم ادعو ليا بالدرية الصالحة يرحم ليكم الواليدن.

11

12

13

اتـرك تـعـلـيـق 1 تـعـلـيـقـات

* الإسم
* البريد الألكتروني
* حقل مطلوب

البريد الالكتروني لن يتم نشره في الموقع

شروط النشر:

عدم الإساءة للكاتب أو للأشخاص أو للمقدسات أو مهاجمة الأديان أو الذات الالهية. والابتعاد عن التحريض الطائفي والعنصري والشتائم.

جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة موقعي

لا تنسوا صالح دعائكن بظهر الغيب لصاحبة الوصفة على المجهود

رابط مختصر