جديد !! تحضير بسيطلات الحوت بالخطوات المصورة

الخميس 1 أكتوبر 2015
أخر تحديث : الخميس 1 أكتوبر 2015 - 8:51 مساءً

موضوع ام دعاء

تحضير بسيطلات الحوت

ناخدو لحوت نوضعوه فكاسرول مع لقياس الماء نضيف ليه شوية زعتر وريقات موسى شوية الملح شوية ابزار طريف الحامض 3 فصوص ثوم

1
من بعد ما يتصلقو نديروهم يتسقطرو

2
او لما ديالهم نرطب فيه الشعرية الصينية

3
فمقلاة نشلظ بصلة نضيف ليها زيت لعود وريقات موسى نوضعوها فوق النار نغطي عليها مين تذبال نضيف ليها خيزو محكوك معلقة كبيرة مطيشة لحك ربيه مقطع ثومة محكوكة شوية كمون ابزار ملح شوية سكين جبير نخلط لكل نغطي عليه

4
مين يطيب الخليط نضيف ليه الشعرية الصينية الي رطبناها قبل فلماء الحوت وقطعناها بلمقص مع طريف الحامض مصير مقطع و زيتون مقطع معلقة كبيرة صلصة الصوجا

5
هنا حيدت لحوت الشوك ديالو وحتافظت بلهبرة مع الثوم اللي تصلق معاه

6
فمقلاة نوضعو شوية زيت لعود نمعكو 3 فصوص ثوم ونضيف هبرة الحوت الى كانت ناقصة فلملح نضيف ليها شوية نغطي عليها تشحر شوية

7
ها لعمارة ديالي واجدة نضيف زلافة فروماج احمر محكوك

8
فاطار نوضعو ورقة لبسطيلة نلصقو بين كل ورقة بخليط الدقيق مع الماء كيف وضحت ليكم الطريقة فبسيطلات الدجاج

9
نوضعو خليط الشعرية كطبقة اولى

10
فوقو طبقة لحوت

11
ثم طبقة اخرى من خليط الشعرية الصينية

12
فوقها فروماج

13
ثم نجمع جوانب ورقة البسطيلة نلصق بيناتهم بخليط الدقيق مع الماء باش متحلش لورقة مين تكون طيب

14
ندهنهم من فوق بخليط الدقيق ثم نضع ورقة من فوق نفس الطريقة للبسطيلات اللي باقين

15
ندهن الطاوة بشوية زبدة نضع لبسيطلات ندهنهم من فوق بشوية الزبدة مخلطة مع الزيت

16
ندخلوهم لفرن غي يبدا يبان لينا وجه لورقة البسطيلة بدا ينشف نحط فوق منهم شي مقلاة او طاوة باش يطيبو على خاطرهم وما تنفخش لورقة مين يطيبو نحك فوقهم لفرماج نوليو نرجعوهم لفرن غي يذوب لفرماج نخرجوهم ونقدمهم فطبق و التزيين حسب الرغبة

18

20

اتـرك تـعـلـيـق 2 تـعـلـيـقـات

* الإسم
* البريد الألكتروني
* حقل مطلوب

البريد الالكتروني لن يتم نشره في الموقع

شروط النشر:

عدم الإساءة للكاتب أو للأشخاص أو للمقدسات أو مهاجمة الأديان أو الذات الالهية. والابتعاد عن التحريض الطائفي والعنصري والشتائم.

جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة موقعي

لا تنسوا صالح دعائكن بظهر الغيب لصاحبة الوصفة على المجهود

رابط مختصر