ميل فوي على شكل دوائر بطريقة رائعة

الإثنين 3 أغسطس 2015
أخر تحديث : الإثنين 3 أغسطس 2015 - 8:27 مساءً


العجين المورق انا كان متوفر عندي بالمجمد

طريقة العجين المورق ساهلة وكتطلع فنة : من عند الأخت دعاء القلوب

المقادير:
طحين فورص ممتاز
500 غ زبدة ماركرينا انا استعملت اللدة تكون مقطعة مربعات صغيرة وبايتة فالتلاجة ليلة كاملة باش تكون شادة راسها مزيان
ملح شوية ماء عادي

الطريقة:

ناخد الطحين ونحط مربعات الزبدة ونبدا نجمع بيدي وانا تنزيد الماء غي شوية بشوية مخصش العجين يكون رطب غي تجمع لك صافي متزيديش الماء انا فهاد المقادير استعملت كاس ونصف ماء
ردوا لبال متكتروش من الماء كنعاود نوصي غي تجمع صافي راه تتكون لعجينة قاصحة شوية وتتبان ليك باقيين طريفات الزبدة فالعجين
ملي تجمعها عمليها فبلاستيك غدائي ودخليها للتلاجة مدة 3 سوايع

نخرجها ونورقها كيف ماتتوضح الصور ونردها مرة تانية للتلاجة مدة 2 سوايع
نعاود نفس العملية ونردها تبرد مرة ثالتة مدة 2 سوايع

نعطيكم الوقت كيفاش وجدتها انا

جمعت العجين مع 10 صباحا
مع 1 مساءا طلقت الطلقة 1
مع 3 مساءا طلقت الطلقة 2
مع 5 مساءا صافي موجودة للتطبيق ورقتها بالمدلك وبديت نشكل منها داكشي لي بغيت
الا كنتوا غادي تحضروا معجنات من الافضل ملي تسرحوا العجين متخليوهش رقيق بزززاف خص السمك يكون عريض شوية وبلا متكوها بالفرشيط خليوها هاكاك
والفرن يكون سخون مزيان وبهكدا غتحصلوا على نتيجة رائعة وبلا عداب بلا فقصة

ان شاء الله ملي تجربوها غتبهروا بالنتيجة وتدعيوا معاى

ندوزو دابا الميل فوي بعدما حضرنا عجينة المورقة لي هيا الأساس فهاد الوصفة

نقطعوه دوائر بالكاس تم نوضعو فوقو طاوة اخرى تقل عليه والى الفرن مباشرة

pizap.com14386296541221

1

2

هنا بعد الفرن عملت وحدة تم كريم باتيسير تم طبقة اخرى من العجين .اكتفيت ب2 طبقات

3

فوندون:
شكلاط دايب
لتحضير الفوندون
225 سكر كلاصي مغربل
فاني
5 مل حامض
15 مل ماء

نحضر الفوندون ديالي:
نغربل السكر كلاصي و نضيف قطرات ديال الحامض و الفاني و نبدا نضيف الما بشوية بشوية*
هادي الطريقة لي كنعمل دائما اذ بان لينا الفوندون تقيل بزآآآآآآاف نضيفو قطرات ديال الما و نحركو و اذا كان خفيف عليا بالسكر
كيخصو يكون ماشي تقيل بززآآآآآآآآآاف و ماشي خفيف


4

نعمل الشكلاط على شكل دائري
و نعمل خطوط بعود الاسنان
5

6

7

8

9

اتـرك تـعـلـيـق 1 تـعـلـيـقـات

* الإسم
* البريد الألكتروني
* حقل مطلوب

البريد الالكتروني لن يتم نشره في الموقع

شروط النشر:

عدم الإساءة للكاتب أو للأشخاص أو للمقدسات أو مهاجمة الأديان أو الذات الالهية. والابتعاد عن التحريض الطائفي والعنصري والشتائم.

جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة موقعي

لا تنسوا صالح دعائكن بظهر الغيب لصاحبة الوصفة على المجهود

رابط مختصر