طريقة سهلة لصنع صابون جيل لغسل اليدين بكمية كبيرة

الجمعة 31 يوليو 2015
أخر تحديث : الجمعة 31 يوليو 2015 - 4:24 مساءً

موضوع من الأخت شريفة ام عبدو

السلام عليكم

حبيباتي اليوم بغيت نوريكم واحد طريقة واعر بزاف هو كيفاش تصوبي GEL لغسل اليدين او للاستحمام بنفسك وتوفري شوية لفلوس راه اقتصادي وكيعطي كمية كبيرة ورائحة رائعة منطولش عليكم غادي نحتاجو لصابونة واحدة تاع طاوس بريحة لخزامة و3 ليتر ماء مغلي مزيان مزيان وشوية بان دوش اختياري غير باش نزيدو رغوة هههههه كيجي زوين غدا نخليكم مع الصور والشرح في نفس الوقت نبداو على بركة الله

هاهي صبونة مع لحكاكة لغليضة

1

هنا حكيتها كاملة في سطل

2
هنا زدت عليها 3 ليتر ماء مغلي مزيان وشوية بان دوش

3

هنا حركتهم مزيان باش يندامجو

4

هنا سديت عليهم وخليتهم حتى يبردو متخليوهش حتى يختار بزاف غير يبرد

5

ملي برد وكان باقي جاري جبت هاد لقرعة تاع GEL خاوية باش نعمرها وممكن تجيبو قراعي تاع بان دوش ولا شامبوان خاويين باش ملي يختار يختار فيهم

6

هاهي عمرتها جات بحلا شريتها عامرة ياك

7

هنا ملي عمرت القرعة شاط بزاف في سطل غطيتو وخليتو فيه ملي نبغيه غادي لقاه ختار غادا ناخد لقياس فشي سطيلة صغيرة ونزيد عليه شوية لماء طايب غير شوية ونحركو ونعمر بيه تاني لقراعي وهكدا…

8

وهنا حطيتها لوليدات في لحمام حشاكوم باش ميبقاوش يطيحو ليا صابونة في الأرض أو لافابو ويخليوها ويهربو هههههه

ملاحضة / ممكن تستبدلي صابونة طاووس بصبونة دوف كتجي رائعة

كنتمنا اختراعي يعجبك

أستودعكم الله الذي لا تضيع ودائعه

9

اتـرك تـعـلـيـق 3 تـعـلـيـقـات

* الإسم
* البريد الألكتروني
* حقل مطلوب

البريد الالكتروني لن يتم نشره في الموقع

شروط النشر:

عدم الإساءة للكاتب أو للأشخاص أو للمقدسات أو مهاجمة الأديان أو الذات الالهية. والابتعاد عن التحريض الطائفي والعنصري والشتائم.

جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة موقعي

لا تنسوا صالح دعائكن بظهر الغيب لصاحبة الوصفة على المجهود

رابط مختصر