كيكة الطبقات بالفلون والقهوة والشكلاط سهلة بالصور

الأحد 10 مايو 2015
أخر تحديث : الأحد 10 مايو 2015 - 12:57 صباحًا

موضوع من الاخت خديجة

عواشركم مبروكة.هاد الكيك درتو على قبل العيد حنت كندوزوه عند عكوزتي وقلت نديرو هو شي حويجات خرين ومنمشيش بيدي خاوين.
هو لي سبق لي وحطيت ويني كنت درتو بالليمون.هاد المرة درتو بنكهة الشكلاط والقهوة اممممممممم لذيذ. نخليكم مع الصور واخا المقادير نسيت ما صورتهم حتى خلطتهم مافيها باس نكتبهم ليكم.غير واحد القضية.ايلا بغيتو الكيك صغير ديرو لعبار غير بكاس دتاي وخمارة وحدة والكريمات ديرو غي رابعة من السائل على حساب مول صغير.انا درتو كبير شوي
المقادير
2 بيضات كبار
ك ع سنيدة
ك ع زيت
2 ك ع طحين مغربل
1 نسكافي
2 خمارات
دانون بنان
نص ك ع ما سخون باش تجي رطبة ومناشفاش
2 م ك كاكاو
للتزيين
كريم باتسيير
نص لتر حليب
نص لتر ماء
2 نسكافي
سنيدة
شكلاط بيض
الطريقة
كنخلطو الكل فمولنكس وفاناء كنخويو الخليط ونزيدو عليه الخمارات والطحين والكاكاو مغربلين مع بعضهم

1
ونديروها ف le moule à manqué ضروري ومنساوش ندهنو الاطار حتى هو

2
هاهي وجدات
غادي نديرو موس طويل شوي ونحيدو ليها الفوق ديالها باش تولي مقادة

الطريف لي حيدنا را مايضيعش عطا الله منديرو بيه

هاهي دابا مقادة باش نعمروها.نديروها فالطبسيل لي غادي نقدموها فيه ونرجعو ليها الاطار ونسقيوها باي سيرو كتفضلو ومن الافضل دالقهوة انا مع الزربة درت غي معلقة كبيرة دالشكلاط دالشريب مع نص ك ما دافي و م ك سكر وسقيتها
هاهو. ممكن ديروكاوبيل او نسكويك

3
نوجدو الكريم باتسيير بالقهوة والحليب امممممممممم
نص لتر حليب+3 م ك كريمة جاهزة+1 نسكافي

4
ونخويوه مباشرة فوق الكيك من حدو سخون باش ياخد لافورم دالاطار قبل لا يجمد

5
ندخلوها لفريكو بضع دقائق فقط تشد راسها ونوجدو الطبقة الاخيرة.لي درت فيها نص لتر ما+م ك سنيدة+1 صاشي فلون بالشكلاط كبير د 4الدراهم+نسكافي

6
الكل فوق العاافية مع التحراك حتى الغليان

7
نخليوه شوي يبرد ونخويوه فوق الطبقة دالكريم ويني بالمعلقة باش ميطقبهاش لينا حنت سخون

8
نحاولو نخليو الاطة فبلاصتها منحركوهاش حتى يبرد الفلون باش ميجيش عوج عاد ندخلوها لفريكو تجمد

هاهي الطبقة الاخيرة جمدات

9

كيكتنا واجدة كتبقى غي اللمسة الاخيرة دالتزيين كل واحد وذوقو وكل واحد وشهوتو انا زينتها بالشكلاط
غادي نوريكم واحد l’astuce او النصيحة.عوض تبقاو دوبو الشكلاط ف B.M حمام مريم وتجلخو الكاصرونات ويبقى الشكلاط لاصق وضايع فالكاصرونة.خودو قياسكم دالشكلاط وديروه فبلاستيكة نقية وممتقوباش وحطوها وسط مقراج او اي اناء فيه الما طايب حتى يدوب وزوقو كيف بغيتو ورميو الالبلاستيكة

10
انا درت هاد الخطيطات بالشكلاط فوق بابيي اليمنيوموكتبت عيد سعيد بالشكلاط خليتهم جمدو وزوقت بيهم الكيك

11

وها كيكتنا وجدات

12
وبالصحة والراحة ورها كتجي غزالة وراقية قدام الضيوف ولي بغات ديرها بالليمون بحال هادي

13 copy

اتـرك تـعـلـيـق 3 تـعـلـيـقـات

* الإسم
* البريد الألكتروني
* حقل مطلوب

البريد الالكتروني لن يتم نشره في الموقع

شروط النشر:

عدم الإساءة للكاتب أو للأشخاص أو للمقدسات أو مهاجمة الأديان أو الذات الالهية. والابتعاد عن التحريض الطائفي والعنصري والشتائم.

جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة موقعي

لا تنسوا صالح دعائكن بظهر الغيب لصاحبة الوصفة على المجهود

رابط مختصر