تحضير حلويات بالبراليني و الشكلاط

الخميس 30 أبريل 2015
أخر تحديث : الخميس 30 أبريل 2015 - 3:05 صباحًا

المقادير

-الجنواز * مقادير لمول كبير شوية *
6 بيضات
150غ دقيق
150غ سكر
2 فاني

- موس البراليني

70غ كريم باتسيير * اي 1 اصفر بيضة + 1 م سكر + 10غ دقيق + 13 سل حليب*
1 ورقة جيلاتين
القليل من القهوة معصرة
1 م ك عامرة من براليني
200غ قشدة طرية

- موس الشكلاط

100غ حليب
1 ورقة جيلاتين
200غ قشدة
120غ شكلاط اسود 64% كاكاو

-للتزيين

كناش *250غ شكلاط اسود+150ملل قشدة+30ملل حليب+15ملل كليكوز*
لوز مقلي ومهرمش

-الطريقة تحضير الجنواز

نفصل بياض البيض على الاصفر . ونطرب الابيض حتى يولي بحال الثلج
1
من بعد نطرب اصفر البيض مزيان حتى يولي الخليط مرغوي بحال هاكدا

2
ونزيد السكر و الفاني ونستمر فالتخلاط مزياااان

3
ونزيد الدقيق مغربل ونخلط
4
ثم نضيف ابيض البيض على 3 دفعات مع التحراك بملعقة خشبية من الاسفل للاعلى
5
نخوي الخليط في مول ملبس وتدخل للفرن على نار هادئة حتى طيب
6
هنا قلبتها فوق منديل حتى تبرد

7

- ندوزو ونجدو موس الشكلاط

ندوب الشكلاط فحمام مريم

8
ونزيد عليه الحليب

9
نطرب القشدة جانبا و نزيد عليها خليط الشكلاط و الحليب شوية بشوية مع الاستمرار فالتخلاط وفالخير نزيد الجيلايتن مبلل و مذوب
10
ونحصلو على خليط بحال هاكدا
11
ناخد قوالب السيليكون ونخوي فيهم لاموس اللي وجدنا بحال الشكل اللي فالصورة يعني الوسط يبقى خاوي

12
وندخلو للثلاجة حتى يتماسك

-فهاد الاثناء نوجد موس البراليني

نوجد الكريم باتسيير كما العادة بالمقادير بالظبط اللي كتبت الفوق ونخليها فوق النار حتى تعقاد
13
في اناء نخوي الكريم باتسيير اللي وجدنا نزيد عليها البراليني و القهوة -ممكن 1 مك او 2 حسب الذوق- و نخلط الكل
14
ونزيد عليهم القشدة مطربة و الجيلاتين مبلل و مذوب ونخلط الكل

نخرج قالب السيليكون من الثلاجة و نعمرو الوسط بموس البراليني
15
ونغطي ب دائرة من الجنواز اللي وجدنا و تدخل للثلاجة ليلة كاملة

16
فالغذ نخرج الحلوى من الثلاجة و نديرها فالمجمد غير تجمد نخرجها ونحيدوها من القوالب *بهاد الطريقة غادي تحيد ليكم بكل سهولة وشكلها يبقى مقاااد*

نوجد الكناش بالمقادير اللي كتبت اعلاه اي ندير القشدة و الحليب يغلاو على نار مهيييييييلة نزيد الشكلاط ثم الكليكوز ونخلط ونخليه يدفا شوية ونخويه على الحلوى غير على الوجه الجوانب لا
و الجناب نزينهم باللوز المهرمش و نزلت حبة البندق فالوسط

وهاهي واجدة -فالصورة اول وحدة على اليمين-

17
صدقوني كتجي رااااااااااااااااااااااااائعة وبنينة واي واحد كيذوقها عندي كيطلب مقاديرها

- انا درت غير نص المقادير اللي كتبت ليكم
-بالنسبة للقشدة استعملت هولالا فيها كمية مزيانة وغير بعلبة وحدة وجدت كاملين الحلويات اللي فالبلاطو
- بالنسبة البراليني وجدتو بهاد الطريقة درت 100 غ سنيدة + 100غ لوز ودرتهم فمقلة على نار مهيلة حتى ذابت سنيدة ورجع معسل خويتو فوق ورق سلفيريزي حتى برد وبديت نطحنو اي نطحن شوية ونوقف ونطحن شوية ونوقف حتى كيرجع كما فالصورة
18

اتـرك تـعـلـيـق 2 تـعـلـيـقـات

* الإسم
* البريد الألكتروني
* حقل مطلوب

البريد الالكتروني لن يتم نشره في الموقع

شروط النشر:

عدم الإساءة للكاتب أو للأشخاص أو للمقدسات أو مهاجمة الأديان أو الذات الالهية. والابتعاد عن التحريض الطائفي والعنصري والشتائم.

جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة موقعي

لا تنسوا صالح دعائكن بظهر الغيب لصاحبة الوصفة على المجهود

رابط مختصر