تحضير كيكة الباردة بالشكلاط و الكراميل

الإثنين 30 مارس 2015
أخر تحديث : الإثنين 30 مارس 2015 - 3:51 مساءً


موضوع الاخت لاطيفة

كنظن الكل كيعرف يحضر الكيكة الباردة ولكن مافيها باس نشارك معاكوم هاد الوصفة الرائعة

بصراحة انا كنعمل الكيكة الباردة من سنوات و لكن مؤخرا شفت واحد الطريقة زوينة فواحد المنتدى مغربي الله يجازي كل خير مولاة الفكرة الرائعة

اولا كنحضرو كيكة رقيقة او كيكة عادية و نقسموها
انا استعملت 1 بيضة – نصف كاس سكر – ربع كاس زيت – 2 م ك كاكاو – نصف خمارة و الدقيق حسب الخليط تقريبا كاس
كنخلطو المقادير و نعملوهوم فمول مدهون بالزبدة و مرشوش بالدقيق

فاش كطيب نخلوها تبرد مزيان انا عملتها ليلة قبل

1

من بعد و جدت كريم باتسيير
نصف لتر حليب – 3 م ك كريم باتسيير – 1 بيضة – 80 غ شكلاط مدوب – كاس لوز محمر و معرمش – 3 م ك سكر

كنطربو البيضة مع السكر و الغبرة دكريم باتسيير نزيدوهوم على الحليب و نحركو دون انقطاع حتى يعقد
نضيفو الشكلاط دايب ايلا ماكاينش ضيفي 2 م ك كاكاو تم اخيرا نضيفو اللوز مهرمش و نخلطو مزيان
نخلوه يبرد شوية
نعملو الكيكة ديالنا فمول كيتحل من الجناب
نسقوها بالسيرو مزيان
نكبو الكريم لي حضرنا و ندخلوه للثلاجة يبرد

2

نمرو دابا للفلان
كناخدو نصف لتر حليب نضيفو ليه 2 بكيان فلان كراميل و 2 او 3 م ك سكر حسب الذوق
نخلو الخليط يغلى مع التحريك حتى يوجد
نخلوه يبرد شوية
نكبوه على الكيكة ديالنا نتسناو شوية حتى يبرد و ندخلوه للثلاجة مرة اخرى ساعة او ساعتين

3

نوجدو الطبقة الاخيرة
كلاساج دالشكلاط
انا هنا استعملت الشكلاط لي دبت فحمام مريم تقريبا 12 شكلاطة مع ربع كاس ما و م ك سكر حتى غلاو خليتهوم دفاو شوية و كبيتهوم غير بشوية فوق الكيكة الباردة و رجعتها للثلاجة

دوبت شوية الشكلاط و عملت منو الاشكال باش زوقت من الجناب و الفوق

قبل التقديم عملت شوية الكراميل للوسط و زوقت بحبيبات و فيرميسيل الشكلاط
وهادي النتيجة

4
شهية طيبة

5

اتـرك تـعـلـيـق 1 تـعـلـيـقـات

* الإسم
* البريد الألكتروني
* حقل مطلوب

البريد الالكتروني لن يتم نشره في الموقع

شروط النشر:

عدم الإساءة للكاتب أو للأشخاص أو للمقدسات أو مهاجمة الأديان أو الذات الالهية. والابتعاد عن التحريض الطائفي والعنصري والشتائم.

جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة موقعي

لا تنسوا صالح دعائكن بظهر الغيب لصاحبة الوصفة على المجهود

رابط مختصر