طريقة تحضير بينيي بالشكلاط ساهل و لذيذ

السبت 10 يناير 2015
أخر تحديث : السبت 10 يناير 2015 - 4:59 مساءً


مقادير طريقة تحضير بينيي بالشكلاط ساهل و لذيذ
(العبار بكاس العنبة)
2 كيسان دقيق
كاس الا ربع حليب دافئ
بيضة
2 معالق زبدة مدوبة
1/2 خمارة حمراء
فاني
قشرة ليمون او حامض اختيارية
معلقة خميرة
1/2 معلقة صغيرة سنيدة
قبصة ملح
لتزيين
سكر سنيدة
شكلاط ابيض و اسود
مربى….

بينيي-ساهل-و-لذيذ1
طريقة تحضير طريقة تحضير بينيي بالشكلاط ساهل و لذيذ
نسخنو الحليب ونضيفو ليه الخميرة و سنيدة و نخليوه حتى يطلع
في ايناء نخلطو كل المواد الجافة مزيان ثم نضيفو الزبدة مدوبة
والحليب لي فيه الخميرة و بيضة و نعجنووه
بينيي-ساهل-و-لذيذ2
خاص ندلكوه مزياان حتى نحصلو على كرة ملساء
نغطيوها و نخليوها تخمر مزيان شي ساعة تقريبا
بينيي-ساهل-و-لذيذ3
بعدما تخمر مزياان نخويوها من الهواء ونسرحوها بالدلاك متكونش رقييييقة بزاف شوية ونحطو وسطها العمارة لي بغينا
انا هنايا عمرتها بالشكلاط و المربى نعاودو نغطيوها بالعجين
عاد نقطعوها
بينيي-ساهل-و-لذيذ4
ولكم الاختيار كبيرة او صغيرة ممكن منعمروهاش حتا طيب بكريم باتسيير او كناش شكلاط انا كتعجبني هاكا نستفوها فشي طاوة ونخليوها تخمر مزياان
بينيي-ساهل-و-لذيذ5
بعدما تخمر نسخنو الزيت و نار تكون منقوصة حيت في ساع كيتحمرو ونبداو نرميوهم فالزيت وهنا كاين واحد السر
اننا نغطيو المقلة منين نرميوهم باش يتنفخو مزيااااااان
بينيي-ساهل-و-لذيذ6
شوفو تبارك الله شحال تنفخو
بينيي-ساهل-و-لذيذ7
منين يتحمرو نقلبوهم على الجهة الثانية ونحطوهم فوق ورق نشاف علما انهم مكيهزوش الزيت كيجيو ناشفين
ونرشوهم بالسنيدة و نقدموهم مع كويس اتاي او قهوة بالصحة و الراحة
بينيي-ساهل-و-لذيذ8

اتـرك تـعـلـيـق 6 تـعـلـيـقـات

* الإسم
* البريد الألكتروني
* حقل مطلوب

البريد الالكتروني لن يتم نشره في الموقع

شروط النشر:

عدم الإساءة للكاتب أو للأشخاص أو للمقدسات أو مهاجمة الأديان أو الذات الالهية. والابتعاد عن التحريض الطائفي والعنصري والشتائم.

جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة موقعي

لا تنسوا صالح دعائكن بظهر الغيب لصاحبة الوصفة على المجهود

رابط مختصر