علاج تساقط الشعر عند المرضعات والحوامل بالتجربة

الثلاثاء 30 ديسمبر 2014
أخر تحديث : الثلاثاء 30 ديسمبر 2014 - 9:53 مساءً

من الاخت ميرال
حبيباتي اليوم رجعت لكم بموضوع جديد عن التساقط لكان عندي رهيب بسب الرضاعة وملي وقفت الرضاعة زاد طاح وشعري فينما مشيت نلقاه طايح حتى فحويج ولدي
بعد معاناة كبيرة من التساقط وبعد زيارة الطبيب وأخد الدواء ولا نتيجة وبعد وبعد وبعد
اليوم لقيت الحل وأهم حاجة فيه ساهل
المهم ندخلو لصلب الموضوع
بعدما شفت النتيجة المذهلة في شعر قريبات زوجي ليكان شعرها قصير و دغيا كيتكرد وولا مشاء الله طويل وغزال وكتير
مسكينة مخبات عليا ولو بقوة الفرحة ديالها
هي علبة كتباع عند العطار خضراء مرسومة فيها إمرأة بشعر طويل ملي كتحلي العلبة فيها 2 قراعي زيت وحدة ديال القطران ولخرى يمكن ديال الزنجلان حيت مكاتبين عليهم والو وكيس صغير فيه مجموعة أعشاب مدقوقة
كخلط العناصر ب-3 فشي قرعة ووقتما بغيتي تمشي الحمام كتخدي جهد معلقة كبيرة وتزيدي عليها زيت العود الجهد ليدهن لك شعر كخلتي كلشي دهني وسري لحمام غسل

اوى بصحتك التحمم مسبقا وبصحتك شعرك في حلة الجديدة هاد الوصفة كتعطي للشعر واحد البريق عجيب والله شاهد على ما أقول كتقوي الزغبة من جديد كتحيه وكتشد الزغبة في الراس + ترطيب رهيب رهيب والله أنا شعري أصلاً رطب ولكن بهاد الوصفة زاد أكتر وأكتر وكأنه كراتين أو شيء من هاد القبيل يكفي غير نشف شعري بسيشوار كيولي مطلوق بلا تجباد
نسيت ماقلتش لكم راه هادشي غير ب-20 درهم فقط مكتوب في العلبة حمادة بنشقرون فاس
المشكل الوحيد هي ريحة القطران أنا كندير وسط الحمام بش راجلي ميشمش فيا ديك الريحة وخى كنخليه غير شوية عطا نتيجة دارت 3 ديال المرات لاحضت تغيير فعلي المشكل لعندي وخى غسلت البارح مزيان 3 ديال المراة بشمبوان ديال النعناع والبلسم ديالو بقات في ريحة شوية وخى ملي رجعت لدار هويتو نشفت بسشور بش ميشم راجلي والو ولكن شم فيا الريحة ومعجبتش وسولني ديالش قتلو دوا ديال لشعر لشرتلي داك النهار قلي كن كان كيحسبلي رحتو هاك منشرهش لك قالها غير بضحك صافي قلتلو إلى معجبتكش ريحة منعودش نديرو
دبى الحببات ديلي عطوني شي حل بش متبقاش فيا هاد ريحة وخى أنا راحة كتعجبني ريحة القطران

اتـرك تـعـلـيـق 6 تـعـلـيـقـات

* الإسم
* البريد الألكتروني
* حقل مطلوب

البريد الالكتروني لن يتم نشره في الموقع

شروط النشر:

عدم الإساءة للكاتب أو للأشخاص أو للمقدسات أو مهاجمة الأديان أو الذات الالهية. والابتعاد عن التحريض الطائفي والعنصري والشتائم.

جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة موقعي

لا تنسوا صالح دعائكن بظهر الغيب لصاحبة الوصفة على المجهود

رابط مختصر