طريقة ترطيبة من غير مايطيح ليك الشعر

الأحد 6 يناير 2013
أخر تحديث : الثلاثاء 8 يناير 2013 - 1:23 مساءً

السلام عليكم كيف دايرين توحشتكوم بزاف
اليوم جيتكوم بطريقة الطرطيبا ساهلة وبلا ماتمشو عند الكوافور عاد الكوافورا الا ديتي ليها الطرطيبا بحال الا كتقولي لشعرك المسامحة حينت الطريقة نتاعهوم مجهدة كتليق غير للشعر لي بحال الجيكس ليكدخل فيه المشطة وتوحل
نبداو بالطريقة بغيت نزلك ليكوم تصارر نتاع الطرطيبا بحق مالقيتش كلمة استعراض الطريقة ساهلة وراه مكتوبة في الورقة مع الطرطيبا وماتزيدو علها والو
خودي طرطيبا اكرولeucrol وراه ماغلياش بزاف موجودة عند مول المكياج
غسلي شعرك ونشفيه وديريها لشعرك بواسطة مشطة كبيرة حتى توزع على كل الشعر جمعي شعرك وسرحيه بيديك لصقيه مع راسك وديري زيف عنداكوم تبقاو تمشطو وتعاودو راه البردوي هو كيرطب وهادا هو المشكيل نتاع الكوافورات كيبداو يدروها ويجبدو شعر حتى كتقراعي
نرجعو لموضوعنا كتخليها 15 دقيقة ماتزيدي عليها وشللي شعرك منها مزيان حتى تحسي بيه مشات منو كتخدي هاداك الكيس الابيض هاداك نوتراليزون يحني كيحيد اتار نتاع الطرطيبا كتخلطيه بماء دافئ كاس تقريباومن يدوب ديريه لشعرك وخليه10دقائق ومنم بعد غسليه وها حنا سالينا
نصيحة دابا انا كنفضل هاد الماركة عنداكوم ديروdark&lovlyراه اتوليو قريعات
دائما من تديرة طرطيبا او صباغة لازم ماتبقاو تدير العشوب راسكوم ضروري الا الحنة
ديري الماسكات الطبعية او الاصطناعية غير ديروها قبل الشامبوان وديرو بوني نتاع المكية باش يكون نتائج احسن وتحافضو على شعركوم
نصيحة ماتديروش السيشوار ابدا 2يومين ورا الطرطيبا او الصباغة او ليميش

على دكر ليميش بلتي شوية ونزل ليكوم طريقة نتا ليميش بل ماتمشيو عند الكوافورة
انخرج على الكوافورات

رابط مختصر