للي صلعة تدخل

الإثنين 22 سبتمبر 2014
أخر تحديث : الإثنين 22 سبتمبر 2014 - 2:56 مساءً

من الاخت : أم حفصة
كنت صلععععععععععععة و دبا نحمد الله تعالى ….اجي نقول ليكم اش درت…….

مخلليت مخربقت في راسي ……….و هادي عام باش تندير ماء الزعتر من ورا فاش نغسل يعني حتى نتشلل عاد نخويه على شعري ……و مبقاش تطيح لي شعري ترقع شوية و لكن بقا خفيييييييف……..
نهار 22 في هاد الشهر يعني ليومة 18 يوم باش بديت هاد الوصفة اللي غادية نقول ليكم و مولاتها اللي قالتها لي قالت ليك ناض ليها الشعر في شهر و انا نقول ليهم انا اللي غادية نجيب ليكم الصح واش نافعة و لا لا حيت انا شعري قريع هههه
اوا دبا درتها 5 مرات و الله العظيم و الله على ما اقول شهيد من اول استعمال بدات المسام تتحل و دبا الحمد لله بدا تنوض……و الشوانط اللي كانو لي في شعري بداو يصغارو…….و الله يجازيها بالف خير الاخت اللي قالتها لي…….غير البارح جات عندي واحد السيدة قالت لي شعرك زيان و قوى تبارك الله اش درت…….و ليومة مع الصباح قال لي راجلي الناس شعرهم زيااااان ههههه و انا ما سايعاني فرحة و دبا انما تنكتب و دايرة الدوا في شعري و حتى لعشية و ندير من فوقو الحنة و القطران…….

المهم الوصفة اسهل ما يكون………..انا درت 4 وقيات تومة بجلوفها +2 حفنات كبار حلبة…..ديريهم في كاسرونة و خلليهم يطيبو مزيان ..بقاي تزيدي الما مرة مرة حتى يطيبو و تنشف الما ……..
من بعد خدي قياس ديال زيت الزيتون ……..و سخنيها مزيان على العافية و خلليها تبرد من بعد طحني كلشي في المولينكس….يعني الحلبة و الثومة بقشورها….و الزيت يكون القياس اللي قدك في الطحين ……………..و ديري كلشي في طاسة…….انا تنداوي و نرجعها الثلاجة……..
مسالة اخرى راه الحلبة متتبقاش الريحة ديالها لا هي و لا الثومة حيتاش تطيبو……تقدري تشمي شوية منين تكوني دايراها في شعرك و لكم منين تتغسلي شعرك متتبقا لا ريحة لا والو…..و نزيدكم مسالة اخرى وللى لي شعري اكاجو هههههههه ما قال لا صباغة لا والو……ههههههه.

اتـرك تـعـلـيـق 4 تـعـلـيـقـات

* الإسم
* البريد الألكتروني
* حقل مطلوب

البريد الالكتروني لن يتم نشره في الموقع

شروط النشر:

عدم الإساءة للكاتب أو للأشخاص أو للمقدسات أو مهاجمة الأديان أو الذات الالهية. والابتعاد عن التحريض الطائفي والعنصري والشتائم.

جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة موقعي

لا تنسوا صالح دعائكن بظهر الغيب لصاحبة الوصفة على المجهود

رابط مختصر