خلطة السحرية لمنع تساقط الشعر

الإثنين 22 سبتمبر 2014
أخر تحديث : الإثنين 22 سبتمبر 2014 - 2:29 مساءً


من الاخت ثروتي ديني

اخواتي الغاليات جيت نشارككوم بتجربتي للخلطة الجميلة ديال غزلان مكوار لي قدمات فصباحيات دوزيم وبالصوررررررررررررررررررررررررررر طبعا.هاد الخلطة دلاتني عليها الغالية “المدام” دعيو معاها بتيسير الامور ولو في قلوبكوم.
وجربتها 6 مرات ومزال عندي غنبقا مداومة عليها ان شاء الله حيت ماشي غير كتمنع التساقط لكن عندها مزايا كثيييييييييييييييرة وربي على ماأقول شهيد.

نعطيكوم المقادير والطريقة ولي جرباتها وعجباتها النتيجة تدعي معايا ومعا غزلان مكوار ومعا المدام راه الملائكة غتقول ليكوم بالمثل هادي عممممممممركوم تنساوها .

علي بركة الله:

الثومة+البصلة حمرا+السانوج+الزعتر+سكنجبير طري(انا مكانش عندي درتو غبرة)+اليزير والخزامى+زيت الزيتون( إكسترا ڤييغج)+وزيت الخروع.
مولات الوصفة قالت نديرو حفنة من كل حاجة وملعقة كبيرة من السانوج لكن انا درت ملعقة كبيرة غير باش نجرب وناوية نعاودها ان شاء الله دييييييييييييييما.

1

لي بغات تستعمل هاد الوصفة فنفس اليوم غتخلط المقادير وديرهوم فحمام مائي ولي مازرباناش بهم تخلطهوم فقرعة وتخزنها فمكان مظلم مدة عشرين يوم.

انا درتها فحمام مائي وكل مرة كنبغي نستعملها كنحرك القرعة مزيان ونصفي الزيت لي يقدني فشعري ونشق به شعري مزيآآآآآن الفروة والزغبة وكنخليها 4 ساعات وكنغسل شعري عادي.

2

غزلان مكوار ڭالت ان هاد الزيت كينشف الشعر لكن انا منشفوش ليا بالعكس اصلح ليا بزاف ديال العيوب:
ولات الزغبة عندي غليضة تبارك الله+واللمعان من اول استعمال+مابقاش شعري مشووووووووك+ومانعاودش ليكوم على الرطوبية لي فيه غير سايح وخاص لي يجمعو هههههههههه.
ضحكو عليا انا ڭلت غير داكشي لي كاين.

ملاحظة مهمممممممممممة:
متخافوش من ريحة التومة والبسلة مكتبقاش في الشعر نهآآآآائيا كتبقي ريحة الخزامى واليزير لكن في اليوم الموالي مكتبقا حتي ريحة.

ايوا نتمنى من الله تجربوها وراه اكييييييييييييييد غتعجبكوم غير متنساوناش من دعواتكوم ولكن بالمثل.

3

اتـرك تـعـلـيـق 1 تـعـلـيـقـات

* الإسم
* البريد الألكتروني
* حقل مطلوب

البريد الالكتروني لن يتم نشره في الموقع

شروط النشر:

عدم الإساءة للكاتب أو للأشخاص أو للمقدسات أو مهاجمة الأديان أو الذات الالهية. والابتعاد عن التحريض الطائفي والعنصري والشتائم.

جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة موقعي

لا تنسوا صالح دعائكن بظهر الغيب لصاحبة الوصفة على المجهود

رابط مختصر