التجاعيد ولجميع انواع البشرة

الجمعة 4 يناير 2013
أخر تحديث : الجمعة 4 يناير 2013 - 5:22 مساءً


السلام عليكم ورحمة الله

كيف الحال يا جميلات  .. كانتمنى تكونوا فأحسن حال

اليوما جبتلكم ماسك 4خ1 .. وكايصلاح ففصل الشتاء حيت البشرة كاتعرض نالجفاف وكاتحتاج التغذية المتوازنة والعناية الكافية باش تكون دايما متألقة ..

الماسك ساهل ماهل كما العادة .. ماعانديش مع قوة المكونات ^^

ء ربع موزة او أقل اذا كانت الموزة كبيرة
ء ملعقة ونصف من العسل الحر

كانحكو الموز فالحكاكة الرقيقة ماشي الرقيقة بزاف المتوسطة .. باش كايرجع الموز بحال الكريم .. كانزيدو عليه العسل ونخلطوه بالملعقة مزيآآآن حتى نحصلو على خليط متجانس
وكانعملوه على البشرة النظيـــــــــفة ديانا بلا مانساو العنق .. وكانرتاحو 15 دقيقة أو 20 ونغسلوه بالماء الدافئ جيــــــدا ثم الماء البارد
شخصيا امتنعت عن مسح الوجه بالفوطة .. كانمسح وجهي بكلينكس وبطريقة الطبطبة

ثم كاندهن وجهي بأي زيت مرطب أو مضاد للتجاعيد ..
حاليا كانستخدم زيت بذوز العنب

أو زيت اللوز الحلو ..غزآآل

فوائد الماسك عديدة .. العسل مطهر وكايعطي رونق وجمال نالبشرة ومغذي جيد والموز مضاد قوي للتجاعيد ومغذي وكايعطي نضارة من اول مرة .. كايزود البشرة بالعديد من الفيتامينات والزيوت الموجودة فيه …

ونزيدكم .. هاد الوصفة تستخدم أيضل للشعر الجاف .. مع اضافة أي زيت وخصوصا زيت الزيتون .. كاتخلي شعر رطب وفيه لمعان

هاد الماسك جربتو البارح وعجبتني النتائج بزاف وبغيت نشارككم بيه وغادي نداوم عليه ان شاء الله .. علما أن بشرتي مختلطة وفيها حبوب صغار فمنطفة ط

ونصيــــــــــــــــــحة : كتروا من شرب الماء الفوائد ديالو لا تحصى للبشرة والجسم

رابط مختصر