خبز بالشحمة

الثلاثاء 17 يونيو 2014
أخر تحديث : الأحد 13 يوليو 2014 - 1:28 صباحًا
خبز بالشحمة

لبنات هانتوما تاني رجعت عندكم نوريكم خبز الشحمة لي صاوبت اختي فاش جات باتت عندي هاد الاسبوع فعلا لايقاوم ….ممممممم
ختكم غيرعلى باب الله وكنموت على الوصفات البلدية والتقليدية
كيف كتلاحظو كل خبزة يا خبزة ههههه نتوما يقدر ديرو خبيزات صغار
المقادير كالتالي والصور توضح الطريقة انشاء الله
شحمة محكوكة في الحكاكة رقيقة نفس المقدار بصلة ونفسه معدنوس يمكن تزيدو كفيتة وزيتون اخضر مقطع …انا مدرتوش واكتافيت غير بالكلسترول ههه عفوا غير بالشحمة ….
عملت شوية زيت العود 2 معالق + فلفة سوداء وملح وكمون وشوية من عطرية الكفتة الا كان ممكن ولهريسة غبرة طبعا باش تجي مولعة …
خلطي كلشي ها هي مقادير ديال 2 خبزات
بالنسبة للعجين نقصتو غير من الخبز لي كنت عاجنة وكان خامر الخمرة الاولى
ضروري تكرصي الخبز رقيق بزاف بالزيت عاد تحطي لعمارة وتستفي عليهم بيض مسلوق وتجمعي العجينة من جناب وتعاودي تكرصيها رقيقة وطيبيها في المقلة الثقيلة ومتنسايش الزيت كل مرة ترشي شوية باش يتحمر وردي بالك راه دغيا يتحمر ..ننقصي شوية العافية ..
هنا فاش عمرتيها حاولي تكرصيها مزيان
سخني المقلة مزيان وصبي شوية زيت
وحطي الخبيزة طيب وقلبيها وسربيها سخونة لمالين الدار مع شي بريريد مشبشب

1

2

3

12

اتـرك تـعـلـيـق 0 تـعـلـيـقـات

* الإسم
* البريد الألكتروني
* حقل مطلوب

البريد الالكتروني لن يتم نشره في الموقع

شروط النشر:

عدم الإساءة للكاتب أو للأشخاص أو للمقدسات أو مهاجمة الأديان أو الذات الالهية. والابتعاد عن التحريض الطائفي والعنصري والشتائم.

جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة موقعي

لا تنسوا صالح دعائكن بظهر الغيب لصاحبة الوصفة على المجهود

رابط مختصر