حل فعال للرؤوس السوداء حول الانف…

الخميس 3 يناير 2013
أخر تحديث : الأحد 8 سبتمبر 2013 - 1:16 صباحًا

السلام عليكم البنات…..كيفكوم مزيانين…..بلى منطول عليكوم

المهم بغيت نقول ليكم واحد الحل جربتو البارح
و انا مكنقول الحاجة الا اذا جربتها على نفسي
المهم للي عندها رؤوس سوداء و شعر حول الانف
هاد الحل سريع و فعال و لكن خسك ديريه 2 مرات فالاسبوع
و دائما تنظفي بشرتك و انفك باش ميرجعوش
هاد الحل هو لصاقات ديال نيفيا فيزاج
سيري عند شي مول ماكياج كبير سوليه
قوليلو لصقات ديال رؤوس السوداء ديال النيف ماركة نيفيا
انا شريتها ب 45 درهم
فيها ريحة الفواكه و فيها 4 لزقات ديال الانف و 2 ديال الجبهة و الذقن
انا عنستعملهم كلهم للانف هههههههههههه
المهم الى كان عندك شي موعد ولا حفلة ولا مقابلة عمل و مبغيتيش تتحرجي
بداك المنظر ديال الرؤوس السوداء هذا هو الحل الفوري
ديري الما فنيفك و ديري اللصقة
و خليها 15 دقيقة و انا بديت كنضغط عليها بيدي
و من بعد سحبي اللصقة و عتشوفي الشعر و الرؤوس السوداء
طبعا اول مرة معيطلعوش كلهم عاودي حطي نفس اللصقة بنفس الطريقة و شوفي
المهم تبعي هاد الطريقة مرتين فالاسبوع و اهتمي بالتنظيف و ماعاتعاوديش تشوفي داك الرؤوس
المهم هادي هي التجربة ديالي
و كنتمنى تفيدكم و ردوا عليا الخبر
بسلامة

رابط مختصر