اجيو تشوفو الوصفة الشخصية ديالي…

السبت 29 ديسمبر 2012
أخر تحديث : السبت 29 ديسمبر 2012 - 2:23 صباحًا

 بسم الله الرحمان الرحيم
اليوم بغيت حتى انا نشارك معاكم بالوصفة لي كندير لشعري هي زوينة مغدية مكوناتها طبيعية ومعروفة وموجودة و الاهم ان مفيهاش ريحة خايبة

مكوناتها هما

[الخزامة + الورد + القرنفل

ما زهر ( واخا كيبان لون ديالو اسود راه هادي غير التقطيرة لولا ديالو كتكون هكدا نتوما ديرو غير العادي ويلا ما كاينش بلاش )

زيت العود ( سخنها فوق العافية باش تحيد منها الملح)

كنطحنو القرنفل + الورد + الخزامة
كنديرو الزيت فشي بانيو وكنزيدو ليها كلشي
كنخلطو مزيان
وفي الاخير كنديروها فقرعة ولا بواطة بحال هكدا

وفاش تكونو غاديين للحمام شققو شعركم بيها و بقاو 2 حتى 3 سوايع عاد غسلو
وبالنسبة لي كيدير الحنة يقدر يخلطها مع الحنة كيف كندير انا
ولي قرات الوصفة تدعي معايا بالنجاح

رابط مختصر