وصفة لتطويل وتقوية الشعر وتمنع التساقط وصفة فعالة.3في1

الخميس 27 ديسمبر 2012
أخر تحديث : الخميس 23 مايو 2013 - 4:54 مساءً

لبنآآآآآآآآات اليوم جبت ليكم الدواء ديال الشعر وهي وصفة فعالة وأنا كنستعملها مدة عام خصوصاً أن شعري كان عكز ومبقاش كيطوال وقلتها للناس اللي كنعرف اللي جربها كيدعي معايا بزوج صالح هههههههههههه إيوا نقولها ليكم…
 1درهم سانوج ؛ 3دراهم لوز الحار؛ قبطة سواك حار؛ 30ريال حديدة الحمراء ؛ السنبل تكرميه وتطحنيه؛ ضرس صغير ثومة بقشرته؛ 10دريال حرمل ؛ درهم حب رشاد = المواد كاملة تسخن في مقلة وتطحن مزان تتنيل إلا الحديدة الحمراء كتدق فالمهراز والسواك كيتقسم طراف ويتطحن في مكينة العطرية كنخلطو كلشي مزيان ونقسموه حيت كيجي كتير ؛كنسخنو زيت العود مزيان وكنخويو فيها الخليط ونحكو التومة ونحركوه شوية حتى يطبخ ونخلوه يبرد ويدار في قرعة ونبداو ندهنو الشعر بالزيت وملي تبغي تمشي لحمام هزو من الخليط سخنية ودهني شعرك وبقاي 5ساعات أو أكتر وسيري لحمام =مثلا رابعة الزيت فيها 2معالق كبار الخلطة تقريبا وعاوتاني راك عارفة عينك ميزانك أنا كندير بلا عبار =ممكن تزيدو زيت الخروع .زيت اللوز . زيت لافوكا تخلطوهم مع الزيت العود )أنا مرة كنديرهم مرة لا ) ملحوضة مكن تشوفي شعرك كيطيح اليومين الأولين من إستعمال الدواء ولكن عادي هدوك غير الشعرات الضعاف بعد 2أسابيع تلاحضي الفرق ……………… إيوا طولت عليكم ولكن راة باش يكون داكشي مضبوط إيوا جربوها وشي دعيوات زوينين بحالكم ماشي تشوفو وتمشيو ههههههههههههههههه خليت ليكم الراحة

رابط مختصر