دجاج محمر

الإثنين 24 فبراير 2014
أخر تحديث : الإثنين 24 فبراير 2014 - 10:08 مساءً

دجاجة محمرة بالفرن, دجاج محمر بالفرن, دجاج محمر بالفرن منال العالم, دجاج محمر بالفرن بالصور, دجاج محمر بالفرن مع الخضار, دجاج محمر بالفرن على الطريقة الايطالية, دجاج محمر بالفرن على الطريقة الجزائرية – حورية المطبخ, دجاج مشوي بالفرن, دجاج بالفرن,

مقادير دجاج محمر
4 دجاجات كل ماكانو صغار كيكونو ألذ ونحاولو يكونو في نفس الوزن تقريبا (نغسلوهم مزيان بالملح والحامض)+ 8 حبات بصل كبيرة + ربيطة متوسطة معدنوس + 1 راس كبير ثوم + م ص سمن حار + م ص قرفة + قرفة عواد + م ص معمراش كامون + م ص إبزار + م ص عامرة سكنجبير + نصف م ص خرقوم + 5 زعفرنات (ملون غذائي)+ شوية زعفران شعرة أنا ماعملتوش (ممكن ديرو كنور ديال الزعفران)+ م ص ملح + 4 حبات قعقلة أو الهيل + 4 حبات نويويرة + كاس زيت بلدية وكاس زيت رومية + ربع حامضة مصيرة كبيرة
للدغميرة :
الكبادي د الدجاج + زلافة زيتون اخضر مقطع + حامضة مصيرة
لتزيين دجاج محمر
التمر + عقدة اللوز + اللوز مقلي
طريقة تحضير دجاج محمر
نطحن المعدنوس والثوم و3 حبات بصل ونضيفوهم على الزيت والتوابل
1
نخلط الشرمولة ونشرملو بيها الدجاج ونثقبوه مزيان باش يتشرب الشرمولة وطبعا ندخلوها بين الجلد واللحم وفي كل الفراغات
إدا كان عندنا الوقت كل ما خليناه مرقد يكون أحسن مثلا من الليل للصباح او من الصباح لليل الشرمولة كتساعد باش الدجاج يكون فتي وكيطيب أسرع
2
نعملوه يتشحر شوية من زوج جيهات
3
من بعد نضيفو البصلة لي بقات كاملة ونضيفو 2 ليتر من الماء ونغطيو الطنجرة وخصها تبقى كيف الصورة معرية من وحد الجهة
4

ملي كان الدجاج كيطيب كنسلقو الزيتون وقشور الحامضة تقريبا عشرة دقائق هاد العملية كتقلل من الملوحة ديالهم
ونسلقو حتى الكبدة نفس الوقت باش كتحيد منها الزفورية ومنين كنقطعوها كتبقا شادة راسها ومكتفرتتش
5
بعد ما طاب الدجاج نحيدوه من الطنجرة ونخليوه ينشف ويبرد
6
ونضيفو الكبدة بعد ما قطعناها والحامض والزيتون للمرق ونخليوه يختار ويعقاد
7

نقليو الدجاج في زيت ساخن ونضيفو فالزيت م ص سمن حار كيعطي ريحة مزيانة فالدجاج ومكيجيش باين الطعم ديالو (او ممكن نحمروه فالفران)
8
نزينو دجاج محمر بالتمر واللوز

هاهو دجاج محمر واجد
9

اتـرك تـعـلـيـق 4 تـعـلـيـقـات

* الإسم
* البريد الألكتروني
* حقل مطلوب

البريد الالكتروني لن يتم نشره في الموقع

شروط النشر:

عدم الإساءة للكاتب أو للأشخاص أو للمقدسات أو مهاجمة الأديان أو الذات الالهية. والابتعاد عن التحريض الطائفي والعنصري والشتائم.

جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة موقعي

لا تنسوا صالح دعائكن بظهر الغيب لصاحبة الوصفة على المجهود

رابط مختصر