طحت على واحد السر كيرطب الشعر من داكشى

الإثنين 24 ديسمبر 2012
أخر تحديث : الإثنين 24 ديسمبر 2012 - 4:41 مساءً

بسم الله الرحمن الرحيم
البنات عرفتو شريت واحد الكريم غى بالصدفة شريتو باش منين نبقى نغسل شعرى ونبغى نصايبو ندهن منو شوى فبلاصة الزيت وبالفعل هداك شى اللى درت ولكن ماعجبنيش قلت بينى وبين نفسى غى ضعت فيه بقا محطوط مدة واحد المرة قلبتو وانا لقا مكتوب عليه انك تقدى ديريه فى الحمام وانا نيت تقادا لىا الديميلور وانا بالفعل درتو من بعد ماغسلت شعرى وشللت غى بالما النتيجة خرج مزيت بزاف حيت انا شعرى بالفعل مزيت .المرة الجاية اللى مشيت فيها الحمام غسلت يالشمبوان ودرت هاد الكريم ومن بعد غسلت مرة واحدة بالشمبوان وماكترتش والنتيجة خرج رائع ماحتجيتش لندهنو بالزيت ولا نصايبو يكفى دورى غى بالتشا
سمحولى كثرت فى الهدرة ولكن هادشى اللى عطا الله
بالنسبة البنات اللى شعرهم ناشف بزاف يديرو الكريم من بعد الشمبوان ويشلو بالما ومايعاودوش يديرو الشمبوان مرة اخرى
الكريم هو كريم دابر فاتيكا معروف فين ما مشيتى تلقايه باللوز والحنا والمن عشرين درهم انا خديت من لهرى اللى كيبيع بالجملة
البنات شى دعيوة يسهل على الله ويفرج همى ولا شى سؤال انا موجودة النتيجة راها جدا رائعة عرفتى منين كنبقى نشلل شعرى فى الحمام كلشى كيبقى يشوف واحد المرا سولاتنى اشنو كندير

رابط مختصر