كراتان البطاطا والكفتة لذيذ جدا بالصور

السبت 11 يناير 2014
أخر تحديث : الثلاثاء 22 أبريل 2014 - 1:50 مساءً


كراتان بالخضر سهل،عداد كراتان بالخضر،مقادير كراتان بالخضر،كراتان بالخضر بالصور

المقادير
كيلو بطاطا
2 بصلات مشنفين
2 ضروس تومة
نصف كيلو كفتة
200 مل كريم فريش
2 فرماجات و اي فرماج اخر عندك
3 بيضات
كاس صغير حليب
شوية الزيت
زيت بلدية
موطارد
صلصة الصوجا
بشاميل (2 م ك زبدة-2 م ك دقيق-كاس كبير حليب-شوية الجوزة-ملح-ابزار-جبن)
معلقة ص تحميرة
معلقة ص سكينجبير
نصف معلقة ص ابزار
معلقة ص كامون
شوية الخرقوم
ملح
قرفة
شوية المعدنوس
الهريسة
طريقة التحضير
اول حاجة كناخد البطاطا كنقطعها قطع صغيرة و كنسلقها مع شوية الملح و الزيت
1
هنا ملي تسلقات صفيتها من هاد الماء

2

هنا وجدت كاس حليب مع اي فرماج عندي و الموطارد مع كريم فريش والسر ديال البنة شوية ديال السمن اقل من راس المعلقة و من طبيعة الحال ملح و ابزار و الجوزة و درتهم فوق البوطة على نار مهيلة
3

وزدت عليهم البطاطا بعد ما صفيتها و بديت كنخلط الخليط ديالي
حتى يعقاد بحال العجينة
4
هنا جبت مقيلة ديالي متكونش كتلصق و درت فيها البصلة و الربيع و التوابل ديالي مع الصوجا و الثومة و الهريسة و خليتهم يتقلاو مع الزيت

5
هنا البصلة طلقات الماء و بدات كتدبل

6
جيت و حطيت الكفتة ديالي مع كاس ديال الما و خليتها تشحر حتى طابت

7
ملي طابت زدت عليها الزيت البلدية و خليتها تطيب حتى نشفات

8

طفيت البوطة على الكفتة و بديت كنحضر البشاميل
كندوب الزبدة و كنزيد الدقيق كنخلي كلشي يطيب عاد نزيد الحليب و الجبن و الملح الابزار الجوزة ملي يعقاد نطفي البوطة و نخليه يبرد
9
هنا سلقت البيض و قطعتو الى نصفين

10

جبت المول ديالي و بديت بالبشاميل
11
قسمت البطاطا الى نصفين و حطيت طبقة ديال البطاطا

12
وطبقة ديال الحشوة ديال الكفتة
13
ومن الفوق البشاميل و البيض
14
اخيرا زدت طبقة ديال البطاطا و البشاميل من الفوق

15
دخلتها الفران حتى تحمر

16
زدت ليها الفرماج محكوك

17
وهاهي وجدات الحمد لله بالصحة والراحة

18

اتـرك تـعـلـيـق 18 تـعـلـيـقـات

* الإسم
* البريد الألكتروني
* حقل مطلوب

البريد الالكتروني لن يتم نشره في الموقع

شروط النشر:

عدم الإساءة للكاتب أو للأشخاص أو للمقدسات أو مهاجمة الأديان أو الذات الالهية. والابتعاد عن التحريض الطائفي والعنصري والشتائم.

جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة موقعي

لا تنسوا صالح دعائكن بظهر الغيب لصاحبة الوصفة على المجهود

رابط مختصر