طريقة تحضير طورطة مالحة شهية و لذيذة بالصور

السبت 4 يناير 2014
أخر تحديث : السبت 4 يناير 2014 - 10:34 مساءً


مقادير طورطة مالحة، طورطة مالحة بالصور،اعداد طورطة مالحة ، طورطة مالحة سهلة

مقادير طورطة مالحة

مقادير العجين:

زلافة ونص من الدقيق
1 بيضة
معلقة كبيرة عامرة زبدة
القليل من الملح

شوية لبزار + شوية الزعتر
2 معالق كبار خميرة ديال الحلوة

دانون لينيا بنكهة الجبن 1أونصف دانون بنكهة لفاني
القليل من الحليب لجمع العجينة

1
طريقة تحضير عجين الطورطة مالحة بالصور
كنخلطو جميع المقادير ونبداو نضيفو الحليب حتى نحصلو على عجينة متماسكة

كنخليوها ترتاح شوية

2

مقادير حشوة الطورطة مالحة بالصور

القليل من الكروفيت
القليل من طريفات ديال الحوت
صلصة الطماطم
زيت زيتون
1 فلفل أحمر
2 قرعات محكوكين
3 جزرات محكوكين
بورو واحد
شوية ديال السبانخ
هريسة حسب الذوق
عطرية:ملح + إبزار + سكنجبير
معلقة كبيرة قزبور
(يمكن ليك ديري الكفتة ديال الدجاج عوض الحوت والكروفيت)
3
طريقة تحضير حشوة الطورطة مالحة بالصور

كنديرو الفلفلة تشحر مع الزيت ونضيف البورو والقزبور
4
كنغطيهم ونخليهم يطيبو مزيان

كنضيفو الخضر الا السبانخ
5
منين يطيبو كنضيفو الحوت والتوابل وصلصة الطماطم

6
نخليوهم يطيبو نص طياب ونضيف السبانخ
7
منين طيب الحشوة كنقطروها باش متسردش لينا العجينة
كنقسمو العجينة على جوج

8
كندلكو العجينة ونطلقوها فالمول ونديو الحشوة

9
من بعد كندلكو الثانية ونغطيو بيها الطورطة
10
كنحيدو الزائد ديال العجينة
والعجينة لي شاطت كنقطعوها بالمرشم ونزينو بيها الطورطة
كنثبثو الوريدات بالعود ديال القرنفل
11

لدهن الطورطة مالحة

كندهنو وجه الطورطة بهد الخليط (بيضة + معلقة صغيرة صلصة طماطم + شوية زعتر)

12

ونثقبوها باش ماتنفخش
كندخلو الطورطة مالحة لفران ساخس باش الطيب
13
وها طورطة ديالنا من بعد مخرجات من الفرن
وكنزينو الطورطة مالحة بالفرماج كيري والفلفل والزيتون اخضر
والتزيين تيبقى دائما حسب الرغبة
شهية طيبة
14

اتـرك تـعـلـيـق 2 تـعـلـيـقـات

* الإسم
* البريد الألكتروني
* حقل مطلوب

البريد الالكتروني لن يتم نشره في الموقع

شروط النشر:

عدم الإساءة للكاتب أو للأشخاص أو للمقدسات أو مهاجمة الأديان أو الذات الالهية. والابتعاد عن التحريض الطائفي والعنصري والشتائم.

جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة موقعي

لا تنسوا صالح دعائكن بظهر الغيب لصاحبة الوصفة على المجهود

رابط مختصر