كيش بالكفتة لذيييييذ بالصور

السبت 4 يناير 2014
أخر تحديث : السبت 4 يناير 2014 - 7:46 مساءً


اعداد الكيش بالكفتة ،الكيش بالكفتة سهل،الكيش بالكفتة بالصور،مقادير الكيش بالكفتة

نبداو بسم الله

كنحتاجوا للعجين
300 غرام من الدقيق
أصفر بيضة
ملعقة كبيرة من الزبدة
ملعقة كبيرة من خميرة الخبز
ملح و ابزار
كاس من الحليب (باش نجمعوا الخليط)

1
كنكوبوا الطحين ف الجبانية و كنعملوا واحد الحفيرة صغيرة كنضيفوا المقادير الخميرة الزبدة أصفر البيضة ملح و ابزار بحال هيدا

2
كنخلطوا المقادير مزيان حتى يتجانسوا مع بعضهم
3
من بعد كنجمعوا المقادير بالحليب و كنعجنوه مزيان (عندكم تكوبوا ديك الكاس د الحليب كامل هههه عينك ميزانك)

4
كندهنوا المول بالزبدة و كنرشوه بالطحين (المول د الطرطات ديالي خليتوا ن خالتي ههه استعملت غير المول د الغراتان تا هو مزيان كيتفتح)

5
كنطلقوا العجينة فالمول و نشوكوها مزيان ندخلوها ن الفران طيب نص طياب غير ربع ساعة و نخرجوها

6

ندوزوا دابا ن الكفتة كنحتاجوا
ربع كيلو د الكفتة
بصلة صغيرة
ضرس د الثوم شوية د المعدنوس فلفل حمرا ملح و الابزار

7

8
كنحوكوا البصلة و الثوم نقطعوا المعدنوس و نزيدوا لقامة و نخلطوا كلشي مزيان
9

10
نعملوا شوية د الزيت فالمقلة و نفرتتوا الكفتة و نخليوها تقلى

ندوزوا دابا ن لاصوص الرهيبة فيها الجبن مع انا عاشقة الاجبااااان ههه المهم كنحتاجوا

11
3 البيضات 3 جبن المثلثات كاس د الحليب ملح

كنخلطوا البيضات مع الحليب و كنقطعوا الجبن طريفات صغارين و كنضيفوه على خليط البيض و الحليب مع شوية د الملح

12
دابا كلشي واجد العجينة و الكفتة و لاصوص كنعملوا الكفتة فوق العجينة و نكوبوا فوق منا لاصوص فحال هيدا

13

14
ندخلوه ن الفران يطيب و يتحمر و ها هو من بعد ما خرجتوا من الفران كيجي غزال و خصوصا ملي كيدوب فيه الجبن و العجينة كتجي هشييشة

15

اتـرك تـعـلـيـق 11 تـعـلـيـقـات

* الإسم
* البريد الألكتروني
* حقل مطلوب

البريد الالكتروني لن يتم نشره في الموقع

شروط النشر:

عدم الإساءة للكاتب أو للأشخاص أو للمقدسات أو مهاجمة الأديان أو الذات الالهية. والابتعاد عن التحريض الطائفي والعنصري والشتائم.

جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة موقعي

لا تنسوا صالح دعائكن بظهر الغيب لصاحبة الوصفة على المجهود

رابط مختصر