حلوة السبولة باللوز بالصور

الخميس 12 ديسمبر 2013
أخر تحديث : الخميس 12 ديسمبر 2013 - 1:26 صباحًا

مقادير حلوة السبولة
المقادير و الطريقة ديال العجينة
كيلو ديال الفورص النوع الممتاز انا كنستعمل تريا +كاس اتاي مشرط من لتحت ديال زبدة مدوبة ومصفية كنستعمل زبدة صفراء ديال العبار +نفس الكاس ديال الزيت +كاس ديال ماء زهر +شوية مسكة حرة +شوية ملح + 4 معالق سنيدة وكنجمعوها بالما دافيء وندلكوها مزيان تقريبا شي نصف ساعة او اكثر وكنخليوها ترتاح عاد نستعملولها
المقاديرو الطريقة ديال عجينة اللوز
كيلو ديال اللوز البلدي لي كنخويو عليه ماء غليان ونخليوه 5 دقائق ونصفيوه ونقشروه ونخليوه ينشف من الماء و نطحنوه 2مرات ونزيدو عليه كاس ديال زبدة مدوبة ومصفية +مسكة حرة + قطرات روح ديال زهر ولا 2معالق كبار ماء زهر+ملون أخضر
حتى هو خاصو يتدلك مزيان شي 15 دقيقة
بالنسبة لهاد الشكل العجينة خصها تكون رقيقة اللوز يكون كيبان باش يجي النقش مزيان كيف جميع حلويات اللوز خصها تبات
طريقة تحضير حلوة السبولة باللوز
كنسرحو العجينة رقيقة ونوضعو وسطها كرة من عجية اللوز

1 حلوة السبولة
كنغطيو عقدة اللوز بالعجينة

2 حلوة السبولة
ونشكلوها على شكل عود
3 حلوة السبولة

نضغطو على الأطراف
4 حلوة السبولة

ثم نضغطو على الفوق
5 حلوة السبولة

ونقشو حلوة السبولة بالمنكاش
6 حلوة السبولة
وندهنوها بالزبدة مدوبة ومصفية عاد نطيبوها
7 حلوة السبولة
وملي طيب كندهنوها بالناباج ونديروها فالكويغطات
8 حلوة السبولة
وهذا الشكل النهائي لحلوة السبولة

اتـرك تـعـلـيـق 0 تـعـلـيـقـات

* الإسم
* البريد الألكتروني
* حقل مطلوب

البريد الالكتروني لن يتم نشره في الموقع

شروط النشر:

عدم الإساءة للكاتب أو للأشخاص أو للمقدسات أو مهاجمة الأديان أو الذات الالهية. والابتعاد عن التحريض الطائفي والعنصري والشتائم.

جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة موقعي

لا تنسوا صالح دعائكن بظهر الغيب لصاحبة الوصفة على المجهود

رابط مختصر