دجاج محمر بطريقة العراس

الجمعة 29 نوفمبر 2013
أخر تحديث : الخميس 13 فبراير 2014 - 3:07 صباحًا

مقادير دجاج محمر بطريقة العراس
3 دجاجات+ البصلة+ الربيع+ الحامض مصير+الزيت الرومية والبلدية+العطرية
طريقة تحضير دجاج محمر بطريقة العراس
أول حاجة كنشدو الدجاج كنغسلوه مزيان بالملح و الحمض و نقيوه مزيان من الداخل من بعد كنغسلوه مزيان و كنديره يقطر و كنشدو بانيو كندير فيه حامضة معصرة+البزار +القزبر+سكنجبير

1 دجاج محمر
كنشدو هاد الخليط او كنرقدو فالدجاج من الدخل و من برا
2 دجاج محمر
ونخليو الدجاج يبات فالشرمولة ليلة كاملة فتلاجة الغد ليه نجبدوه و نقطعو البصلة
3 دجاج محمر
كنشدو الطنجرة كنديرو فيها الزيت البلدية +شوية ديال الزيت الرومية كيسخنو
كنشدو البصلة كندروها فالطنجرة و كنخليوها تقلا
كنضفو عليها المقادير التالية البزار +سكنجبير +الزعفران +التومة معصرة +القزبر +معلقة كبيرة ديال السمن +القلب ديال حمضة مسيرة
4 دجاج محمر
الملح مكندروهش حيت الدجاج مرقد فيه
كنضفو جميع المقادير فوق البصلة
كنحركو مزيان
ثم كنحطو الدجاج فالطنجرة و كننقصو البوطة و كنخليو البصلة تطلق الماء ديالها ليبيه كيطيب الدجاج على خاطرو
5 دجاج محمر
كنشدو لغلاقة ديال الطنجرة و كنحطو فوقها الزعفران شعرة يسخن مزيان تم كنحكوه بالكف ديالنا او كنديروه فالدجاج و كنسدو الطنجرة و كنخليو الدجاج يطيب
كنشدو لقشاوش ديال الدجاج كنغسلهم مزيان او كنديرهم فكسرنة فيها شوية ديال الماء يتسلقو نصف سلقة باش يبقاو صاينين و ما يتفرتتوش منين نضيفوهم على المرقة ديال الدجاج
6 دجاج محمر
من بعدما طاب الدجاج كنحيدوه او كنحطوه على جنب
7 دجاج محمر
و كنرميو فالمرقة ديال الدجاج هدوك لقشاوش بعدما صفيناهم من الماء مزيان
8 دجاج محمر
تم كنضيفو الزيتون
9 دجاج محمر
كنبداو نقليو فالدجاج
10 دجاج محمر
كنخليو المرقة حتى كتشرب مزيان او توقف او تولي خاترة عاد كنطفيو عليها و كنشدو جلوف ديال الحمض مصيرين كنقطعهم طوال و كنزوقو بهم الدجاج
11 دجاج محمر

اتـرك تـعـلـيـق 32 تـعـلـيـقـات

* الإسم
* البريد الألكتروني
* حقل مطلوب

البريد الالكتروني لن يتم نشره في الموقع

شروط النشر:

عدم الإساءة للكاتب أو للأشخاص أو للمقدسات أو مهاجمة الأديان أو الذات الالهية. والابتعاد عن التحريض الطائفي والعنصري والشتائم.

جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة موقعي

لا تنسوا صالح دعائكن بظهر الغيب لصاحبة الوصفة على المجهود

رابط مختصر