المشكلة هي ماداروش ليا سحر التفريق

الخميس 7 نوفمبر 2013
أخر تحديث : الخميس 7 نوفمبر 2013 - 7:13 مساءً

السلام عليكم انا من المتابعين لهاد الموقع الرائع وخصوصا قسم مشاكل وحلول اولا نعرفكم بنفسي انا بنت مغربية عندي 27 سنة كنسكن في مدينة صغيرة جنوب المغرب
كنت عايشة حياتي بحال كل البنات كنقرا وهمي الوحيد هو قرايتي والحمد لله واليديا كانو كيشجعوني بزاف وكيعاونوني بكل مافجهدهم وماكنت لاقية حتى مشكل اللهم لك الحمد والشكر حتى وصلات عندي 17 سنة جا خطبني واحد الولد لكن الوالد ديالي رفضو بحكم اني مزال كنقرا ومزال صغيرة على الزواج وحيت مدينة صغيرة الناس تقريبا كلهم معروفين بسرعة انتشر الخبر وجاو الناس كيعاتبو واليديا حيت رفضو انسان متخلق والله يعمرها دار لكن بابا بقى مصر على الرفض وهنا خدات حياتي مجرى اخر وتقلبات راسا على عقب عائلة الشاب ماكانوش اصلا باغييني حيت بغاو ليه شي بنت اخرى من العائلة مابان ليهم حتى حل من غير السحر باش عمرو يشوف فيا ولا يبقى يفكر فيا هادشي كااامل وانا مافراسي والو دازت الايام والسنين عااااد بداو كيبانو اعراض السحر وقعو شي مشاكل فالدار مقدرتش نكمل قرايتي شديت الباك ودرت عام فمدرسة خاصة ديال المعلوميات دفعت للبوليس ونجحت مشيت حتى الاكاديمية ورفضوني بدون سبب اللي شافني كيقوليهم غادي نجي نخطب هاد البنت ومكنبقاوش نشوفوه نهائيا كنبزز على راسي نكمل قرايتي لكن فينما ندخل لشي مدرسة كتخرج ليا شي مصيبة غير متوقعة مكتخلينيش نكمل. الخدمة اللي دفعت ليها كنترفض ولا نجلس فيها سيمانة ويجريو عليا بلا منفهم والو هادشي كامل خلاني نتاكد راه كاينة شي حاجة صليت زوج ركعات وطلبت الله يوريني شنو سبب هادشي اللي كيجرا ليا وهنا استاجب ليا الله وعرفت راه عندي مس مللي درت الرقية الشرعية عند راقي متمكن ولا كينطق المس على لساني بلا مانغيب على الوعي او وليت كنغوت وكنتخبط مللي كيقرا عليا ايات السحر منقدرش نوصف ليكم كيفاش كانت حالتي فالاول لولا ان الله تبتني كون راه منعرف اش جرا ليا والحمد لله على كل حال تصورو عائلتي مافراسهمش حيت عااارفاهم ماغيفهمو والو فهادشي غيسحابليهم حماقيت واليديا اللي فراسهم او صديقتي المقربة المشكلة هي ماداروش ليا سحر التفريق بيني وبين هاد الشاب بوحدو لااااا داروه ليا على اي واحد يفكر يخطبني والتعطيل تجاوز الزواج فقط لكن شمل امور حياتي كلها دابا معمر شي انسان تقدم ليا وكنقول مع راسي كاين شي واحد اللي غدي يقبل عليا بهادشي اللي عندي شكون هدا اللي يعرف راه البنت مريضة بالمس والسحر ويخطبها ويتحمل وسوسة خدام السحر ويتزوج بيها ويديها تعالج بنفسو شكون هدا؟ انا شفت سيدات ممسوسات ومسحورات وكيجيو معاهم ازواجهم حتى لعند الراقي اللي انا كنتعالج عندو كنقول سعداتهم هادو بعدا ما اترش المس على زواجهم مشي بحالي انا وليت نحشم نقول وصلت لهاد السن وانا ماقادرة ندير والو فحياتي بسبب السحر لازواج لاخدمة لاقراية والله المستعان هدشي اقوى مني انما اشكو بثي وحزني الى الله هو اللي اذن ان هاد السحر يضرني وهو وحدو القادر ياذن باش يتكشف هاد الضر اللي صابني ارجوووكم سمحوليا بغيت غير دعيو معايا وتفيدوني الى عندكم شي معلومات حول هاد الموضوع والله يجازيكم بالخير يا اخوتي في الله استودعكم الله الذي لا تضيع ودائعه.

اتـرك تـعـلـيـق 32 تـعـلـيـقـات

* الإسم
* البريد الألكتروني
* حقل مطلوب

البريد الالكتروني لن يتم نشره في الموقع

شروط النشر:

عدم الإساءة للكاتب أو للأشخاص أو للمقدسات أو مهاجمة الأديان أو الذات الالهية. والابتعاد عن التحريض الطائفي والعنصري والشتائم.

جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة موقعي

لا تنسوا صالح دعائكن بظهر الغيب لصاحبة الوصفة على المجهود

  • asmae
  • contess
  • kholita
  • lamya
  • وداد
  • naima
  • الاسم (مطلوب)
  • الاسم (مطلوب)
  • fi3l khayr
  • الاسم (مطلوب)
  • siham
  • 3awatif
  • chaimaa
  • yosra
  • bouchra
  • me
  • اخت في الله
  • lina
  • meriem
  • kenza
  • الاسم (مطلوب)
  • حاسة بيك
  • soumi
  • hanane
  • سمران
  • الاسم (مطلوب)
  • صاحبة المشكل
  • الاسم (مطلوب)
  • mona
  • الاسم (مطلوب)
  • Salma
رابط مختصر