وصفة طبيعية مجربة لازالة النقط السوداء من الانف

الثلاثاء 5 نوفمبر 2013
أخر تحديث : الثلاثاء 5 نوفمبر 2013 - 12:31 صباحًا

وصفة طبيعية مجربة لازالة النقط السوداء من الانف

اخواتي الغاليات ما كاين ما اعدا لنا من النقط السوداء فملي تتنظفي وجهك وتتعملي جميع الاهتمامات ديالك باش تحصلي على بشرة نقية وصافية وجميلة في نفس الوقت ولكن تتنساي او تتعكزي على الانف ديالك

والى لاحظتي تتبان لك شي حاجة ناقصة وهي النقط السوداء واضحة وباينة وخاصة بعد العناية بالبشرة كما قلت لانها تتزيد تظهر اكثر وتبان ولهذا اليوم جبت لك وصفة تقضي عليها ولكن المداومة باش ما ترجعش لانها تتراكم بسبب الاوساخ وتتقفل المسام

والى ما زولناهاش تتزيد تكبر وتعطي منظر قبيح للبشرة وخاصة ملي تتبغي تعملي الماكياج تيبان الانف بحال الزرواطة هههههههههههه ما نخلعكومش غير خاص هاذ النقطة تنتابهوا لها بزاف بلا ما نطول عليكم نجيوا للموضوع

اول شيء غادي نحضروا هو حمام البخار الي بلا به ما تفتح لك المسام وما تقدري تخلصي من النقاط السوداء

وصفة طبيعية مجربة لازالة النقط السوداء من الانف

لتحضير حمام البخار غادي نحتاجوا فيه :

كمية من النعناع بسيقانه

2
شوية البابونج

3
نصف حامضة مقطعة طريفات

4

تغلي الماء مزيان بحال بغيتي تعملي اتاي وتعملي الكل في شي بانيو صغير

و تكبي عليه الماء

وتغطي راسك بفوطة وتخلي هاذ البخار يعمل الفوائد ديالو على البشرة حتى يبرد على خاطرو والمدة راه تقريبا 10 دقايق كافية باش تفتح المسام وتشبعي بفوائد البخار الصحي

من بعد تنشفي وجهك وتاخذي مراية تكون تتبين كبير وتاخذي كلينكس بين اصابعك وتبداي تخرجي في الفوسفاط راه غادي يكون ساهل باش يخرجوا، وتنصح باش يعمل لك هاذ العملية شي حد باش تكوني مستلقية و تساهل عليك العملية واي حبيبة صغيرة في الوجه كله تبان لها وتزولها لك ومن بعد مسحي بالماء ورد
وصفة طبيعية مجربة لازالة النقط السوداء من الانف

وحضري القناع التالي :

5

بياض بيضة طربيه مزيان وضيفي لو معلقة الطحين الفورص خلطيهم مزيان حتى يولي بحال العجينة وطلي به وجهك وركزي على الانف وخليه حتى ييبس على وجهك كله وزوليه بعناية وتشوفي وجهك نقي بزآآآآاف وصافي ومجبد لان هاذ القناع بعد الحمام تيجبد الوجه ويحارب التجاعيد وخالي من النقط السوداء وخاصة الانف غادي يبان لك الابيض وجميل

وهاذ الحمام مرة في كل 15 يوم باش ما يتراكموش النقط السوداء

اتـرك تـعـلـيـق 7 تـعـلـيـقـات

* الإسم
* البريد الألكتروني
* حقل مطلوب

البريد الالكتروني لن يتم نشره في الموقع

شروط النشر:

عدم الإساءة للكاتب أو للأشخاص أو للمقدسات أو مهاجمة الأديان أو الذات الالهية. والابتعاد عن التحريض الطائفي والعنصري والشتائم.

جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة موقعي

لا تنسوا صالح دعائكن بظهر الغيب لصاحبة الوصفة على المجهود

رابط مختصر