وصفات و نصائح لنقص الوزن

الخميس 3 أكتوبر 2013
أخر تحديث : الخميس 3 أكتوبر 2013 - 11:38 مساءً

السلام عليكم, انا من البنات اللي كانت معقداها صحتها,كنبان فحال شي وحد والده ومعاوده وانا باقا صغيره بزااااف, المهم تبعت هاد النصائح و بعض الوصفات والحمد لله مازاله غاديه عليهم والنتيجه كتبان مع الوقت
نبدأ بالوصفات
كتاخدي عواد القرفه
كمون حبوب
والزعتر
ومقدار 2 لتر ديال الماء
كتخلي الماء يغلى حتى كيدير السبوله و تخويه على باقي المقادير وتديريه ف قرعه د الزاج و تحطيه قدامك مثلا فاش تكوني كتشقاي ف الكوزينه عوض ما تشربي الماء شربي من هاد الخليط ولكن يكون بارد,
وصفه ثانيه
خل التفاح
لسان البحر راه كاينه عند العطار
كيخلطو و تدهني بيها اي منطقه بغيتيها تنقص تخليها على الجسم ليله و فالصباح دوشي
ومن النصائح اللي متبعه
حاولي تبعدي على اي شي لونه أبيض ف الماكله مثلا الملح السكر الحليب ومشتقاته البيض الا اللحوم والسمك بطبيعه الحال هادو من الوجبات الرئيسيه ف السيمانه
بعدي على أي منتوج مكتب فيه قمح, اي حاجه فيها قمح متاكليهاش
وحاولي تنظمي اوقات الوجبات اللي هي 3 وجبات ف اليوم
ف احسن نصيحه هي تعودي العقل الباطني ديالك على اساس باغه تكوني رشيقه, تاخدي شي صوره ديال وحده عجباتك لاطاي ديالها ممكن تلقايها ف مجله مثلا و تقطعيها و تحيدي ليها الراس و خوديي صوره ليك هزي الراس ديالك و ديريه ل هديك الصوره الاخرى لصقيها ف الحيط ديال البيت ديالك غادي فين ما شفتيها تخيلي راسك ف هاداك الشكل العقل الباطني ديالك غترسخ فيه هاديك الصوره و يساعدك على الاصرار ديالك صدقيني هادي من اروع النصائح اللي متابعه
واخيرا ولمهم هو تقطعو من اللائحه ديالكم المشروبات الغازيه
هادشي اللي ندي هاد الساعه نتمنى نكون فدتكم بشي حاجه واخا طولت عليكم بزاف,انا كنقرا بعيده على دارنا عافاكم دعيو معاي الله يوفقني و يسترني و يستركم يا ربي

اتـرك تـعـلـيـق 10 تـعـلـيـقـات

* الإسم
* البريد الألكتروني
* حقل مطلوب

البريد الالكتروني لن يتم نشره في الموقع

شروط النشر:

عدم الإساءة للكاتب أو للأشخاص أو للمقدسات أو مهاجمة الأديان أو الذات الالهية. والابتعاد عن التحريض الطائفي والعنصري والشتائم.

جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة موقعي

لا تنسوا صالح دعائكن بظهر الغيب لصاحبة الوصفة على المجهود

رابط مختصر