ايوا الي بغات رموشها تولي تجمعهم مع شعرها تدخل مرحبا ومجربة

السبت 28 سبتمبر 2013
أخر تحديث : السبت 28 سبتمبر 2013 - 1:21 صباحًا

لتطويل الرموش،خلطه لتطويل الرموش،وصفات لتطويل الرموش،وصفات لتطويل الرموش،لتطويل وتكثيف الرموش،تطويل الرموش،خلطة تطويل الرموش

الي بغات رموشها تولي تجمعهم مع شعرها تدخل مرحبا ومجربة

شحال هادي باغا نكتب ليكم هاد الموضوع ونفيدكم ولايني بنادم مكايحكش راسو

دعوات من القلب ها

المهم نعاودها ليك كي الفزورة

سافرنا احبابي لعند خالي ومع الدخلة شفت بنت خالي المتزوجة كنشوف فيها كانقول اشنو فيها متغير شيييي حاااااجة زايدة خاصني نعرف ….شوية وانا نلاحظ رموشها بلا مبالغة واصلين لحنكها تصدمت قلت واش هادي مركباهم ولا شنو … متصرطاتش ليا كانقول حشومة نسول دابا بلاتي حتى نسخن بلاصتي ولايني الفضول مخلانيش ومبغيتش نبرد حتى نعرف لانو بصراحة النتيجة مذهلة
المهم سولتها وقلت ليها قولي ليا واش كاتشربي شي فيتمنات توع الحمل قالت ليا لا قلت ليها وعلاش شفارك ولاو هاكدا وهي تبدا تضحك وقالت ليا غير جلسي بعدا حتى تسخني بلاصتك وقلت ليها عذريني راني مصدومة
المهم
و هي تقول ليا غانقول ليك الوصفة ساهلة ماهلة

قلت ليها عتقيني

قالت ليا غاتجيبي عظام توع الزيتون وتحرقيهم في الفران رميهم مع الخبز حتى يتحرقو ودقيهم بالمهراز ونيليهم مزيان وخرجيهم من شي زويف رقيق باش يتغربل مزيان وعودي كحلي بيهم
قلت ليها واش مكايضرش ونديرو غير بالليل قالت ليا كيف جاك الكحل الي في عيني قلت ليها غزال و كحل داكن واش هذا كحل الهاشمي ؟؟؟ قالت لي لا كحل الزيتوني …..هههههه قلت ليها داخلت عليك هدا الي في عينيك عظم الزيتون …!!!!!!!!!!!! قالت ايه يعني منها اقتصاد ما تخسري كاع فلوس الكحل واللون تاعو احسن من الكحل االي كايتباع ومفيد بنفس الوقت ونزيدكم راه منين كاتدقوه كيبقى شوية مكايبغيش يدق كايبقى شوية حرش هداك استعملوه للشعر راه حتى هو مزيان

منخبيش عليكم حنا في العادة تاعنا البنت الي مامتزوجاش مكاتديرش الكحل ولايني مرة مرة كنتسرق ونديرو بالليل و وخا هاكداك قوى ليا رموشي ووليت وخا ندير المسكرا للرموش ماكيطيحوش
وقلتها لاختي مزوجة وهادي خمس شهور كاتستعملها مشاء الله رموشها ولاو يبانو من البعد
وهي كانت كاتعاني من تساقط الرموش

ايوا استعملوه و البانضة على حسابي جميهم مع شعرك

اتـرك تـعـلـيـق 43 تـعـلـيـقـات

* الإسم
* البريد الألكتروني
* حقل مطلوب

البريد الالكتروني لن يتم نشره في الموقع

شروط النشر:

عدم الإساءة للكاتب أو للأشخاص أو للمقدسات أو مهاجمة الأديان أو الذات الالهية. والابتعاد عن التحريض الطائفي والعنصري والشتائم.

جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة موقعي

لا تنسوا صالح دعائكن بظهر الغيب لصاحبة الوصفة على المجهود

رابط مختصر