الوصفة الوحيدة لي حبسات ليا تساقط الشعر

الثلاثاء 17 سبتمبر 2013
أخر تحديث : الخميس 24 أكتوبر 2013 - 1:37 صباحًا

علاج لتساقط الشعر،لتساقط الشعر،وصفات لتساقط الشعر،افضل شامبو لتساقط الشعر،دواء لتساقط الشعر،الحل لتساقط الشعر

السلام عليكم،ليوم جبت لكم واحد الوصفة كنستعملها سمعتها فالراديو و كنصح بها كاع صحباتي لي عندهم نفس المشكل و الحمد لله من أول تجربة كتبان النتيجة لا من نحيت تساقط الشعر و لا من ناحيت رطوبية،ندوزو المقادير:
100غ قرنفل مطحون
50غ ثوم مطحون
زيت الخرواع + زيت الذرة (ديال الطياب)
شوية من زعفران شعرة

نخلط هاد المقادير مزيآن ونخلهم يرتاحو 30 دقيقة غدين تلقاوهم نشفو زيدو من زيت الذرة حتى يولي الخليط قابل للدهن و من بعد ديروه فالفروة ديال الشعر و حكوه مزيان و ديرو على الشعر الميكة ديال الأكل (بالفرنسية Papier Cellophane) و ديرو فوقها زيف و خليوه ساعة (ولا بغيتوا نتيجة أحسن خودو فوطة كبوا عيلها الماء سخون عصروها وديروها تحت الزيف)، و من بعد غسلو الشعر عادي،ملاحظة الريحة ديال القرنفل كتكون قوية وكتبقا في الشعر ولكن راها زوينة ولي مبغاتهاش تبقى تخد شوية ديال خل التفاح مع الماء الساخن وتخشو على شعرها وتغسل بالماء ودهنو شعركم بالزيت لي مولفين كتستعملو

ٱخر حاجة نبغي نضيف للي بغات تستافد من هاد الوصفة مزيان ديرها 2 مرات في الأسبوع و المرة الثالثة تاخد بصلة كبيرة وطحنها في مولينكس و تعصرها مزيان تاخد الماء ديالها وديرو فالفروة ديال الشعر وتخليه 2 ساعات وتغسل عادي

أنا هاد الوصفة كنديرها ديما و خصوصا فاش كتجي بعض الفترات شعري تيطيح فيها بزاف كنتبعها شهر واحد من بعد صافي مكنبقاش نديرها،و صراحة نصحت بيها بنات و دراري وكاع عجباتهم و Gلت نكتبها هنا باش كلشي يستافد

اتـرك تـعـلـيـق 15 تـعـلـيـقـات

* الإسم
* البريد الألكتروني
* حقل مطلوب

البريد الالكتروني لن يتم نشره في الموقع

شروط النشر:

عدم الإساءة للكاتب أو للأشخاص أو للمقدسات أو مهاجمة الأديان أو الذات الالهية. والابتعاد عن التحريض الطائفي والعنصري والشتائم.

جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة موقعي

لا تنسوا صالح دعائكن بظهر الغيب لصاحبة الوصفة على المجهود

رابط مختصر