لطارطوليت بالخطوات المصورة

الأحد 21 يوليو 2013
أخر تحديث : الإثنين 16 فبراير 2015 - 8:48 مساءً

من الاخت ريم

مقادير لطارطوليت

250غ طحين مغربل
2م/ك سكر كلاصي
125غ زبدة باردة ومحكوكه
1 فاني
2 اصفر بيض
قبصة ملح

حشوة ليطارطوليت
نصف لتر حليب +2م/ك كريم بتيسير بودرة +4 م/ك سكر + فاني نخلطو كلشي ونعملوه يطيب حتى يعقاد

نصف لتر عصير برتقال +2م/ك كريم باتسير +5م/ك سكر فاني نفس الطريقة1

تزيين ليطارطزليت
الفواكه على حساب المستطاع والموجود


طريقة عجين ليطارطوليت
نعملو الطحين في ايناء و نزيدو سكر . ملح .فاني وقبصة خمارة اختياري+ونزيدو الزبدة ورملوها مزيااان باطراف الاصابع ونزيدو اصفار البيض ونجمعوها بدون دلك ونعملوها في بلاستيكا تم نحضوها فالتلاجة ترتاح 30 دقيقة

من بعد ما نخرجوها نطلقوها بالمدلك متكونش رقيييقة ومتكونش غليضة ونعملوها في لمول خاص بها يكون مدهون بالزبدة ومرشوش بالطحين ونتكوها بالفورشيط ونتبتو من فوقا بابي المنيوم ونتقلو عليها بالحمص او لوبيا


عاد العملية تنعملوها باش تبقا قابطه لفورما ديال المول ومتهبطشي لينا وندخلوها طيب في فرن متوسط الحرارة منين تبان لينا طابت من لجناب نخرجوها ونزولو بابي المنيوم ودكشي باش متقلين ورجعوها تخمر من الفوق على فكرة هداك الحمص لزولناه نحتافضو بيه لنفس المهمة مرميوهش


من بعد ما تنخرجوها كندهنوها بالشكلاط مدوب باش ميخليهاش تشرب الرطوبة وتفتت لينا لانها تتكون هشيشة ونخليوه تاينشف ونزيدو من فوق كريم باتسيير لطيبناه وبرد شوية


نرشو شويش دلفواكه من فوق منها ونخليوها حتى تبرد مزيااان ونزيدو كريم ديال البرتقال من بعد ندخلوها لتلاجة حتى تبرد

وزينيها بالفواكه لعندك ودهنيها بالناباج وقدميها بالصحة والراحة

اتـرك تـعـلـيـق 12 تـعـلـيـقـات

* الإسم
* البريد الألكتروني
* حقل مطلوب

البريد الالكتروني لن يتم نشره في الموقع

شروط النشر:

عدم الإساءة للكاتب أو للأشخاص أو للمقدسات أو مهاجمة الأديان أو الذات الالهية. والابتعاد عن التحريض الطائفي والعنصري والشتائم.

جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة موقعي

لا تنسوا صالح دعائكن بظهر الغيب لصاحبة الوصفة على المجهود

رابط مختصر