وصفة مغربية كطول وتقوي شعر

الأحد 2 يونيو 2013
أخر تحديث : الأحد 2 يونيو 2013 - 12:03 مساءً

بسم الله الرحمن الرحيم
هذي وصفة قديمة كانت كديرها لينا ماما منين كنا صغاربلا مانشكر ليكم فيها سيروغير عند أمهاتكم ولا جداتكم وسولهم ههههه هذا هو الوقت باش ديرو الوصفات الشعر بلا مانعود نقول هذا فصل الخريف كطيح شعر بزاف والبعظ كتجيهم حتى الحكة قبل من نعطيكم الوصفة دريتكم فراسكم ياك هههه المهم نصائح هي قبل تنعسي مشطي شعرك وخليه مطلوق وعمرك ديري دويات شعر وتنعس بيهم فالدار ممنوع فدار بالأخص فوقت نعاس ودابة نبداو الوصفة من عند العطار تجيبي
الحرمل وماتكتريش منو كدوخ
حبت راس
مرقت ذهبية
مرقت الفتاش
حديدة الحمرة
الخزامة
الورد
الريحان
سنبل
قشور رمان لشعرها أسود ديرو كتصبغ
أزير
زعتر
قرنفل
زرود
هدشي كولو تخديه وتحمري كل حاجة بوحدها وطحنيها وتخدي من كل عشبة معلقة والحرمل والقرنفل نص معلقة جهد كاس صغير زيت زيتون وسخنيها وخلطيها مع العشوب وشققي بيها شعرك وخليها 3سوايع وغسليها مزيان وما تنساونيش من دعيوات يمكن تستعملوهم البناتكم ونوضو شريو هذ العشوب وبراكة عليكم من العكز راه والله ختي عندها سالف كحمق وحتى أنا هههه غير كنقطع شعري بزاف .

اتـرك تـعـلـيـق 13 تـعـلـيـقـات

* الإسم
* البريد الألكتروني
* حقل مطلوب

البريد الالكتروني لن يتم نشره في الموقع

شروط النشر:

عدم الإساءة للكاتب أو للأشخاص أو للمقدسات أو مهاجمة الأديان أو الذات الالهية. والابتعاد عن التحريض الطائفي والعنصري والشتائم.

جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة موقعي

لا تنسوا صالح دعائكن بظهر الغيب لصاحبة الوصفة على المجهود

رابط مختصر