صبغ الشعر بمواد طبيعية 100%

الأحد 19 مايو 2013
أخر تحديث : الأحد 19 مايو 2013 - 5:49 مساءً

صبغ الشعر باللون البني

ناخد حفنة من اوراق الكركاع و نزيد عليها ماء غليان و نخليهم مدة 15 د ثم نصفي الماء و ندهنو بيه الشعر مزيان خاص الشعر يكون نظيف
تكرر العملية يوميا و مع المدة يتلون الشعر و يختفي الشيب

صبغ الشعر باللون الاحمر الغامق يميل للڭرونة

أربع معالق كبار حنة
ملعقة صغيرة زعفران حر مدقوق
2 معالق كبار شاي اسود مطحون و مغربل
4 معالق كبار سواك محمر في الفران و مطحون
خل تفاح حسب الخليط
خلط جميع العناصر و نخلي الخليط مدة ليلة كاملة ثم نديروه على الشعر مامغسولش و ندلك فروة الراس مزيان باش تدخل العناصر في الشعر و نخليها حتى تيبس تقريبا مدة نصف نهار ثم يغسل الشعر وباش تثبث الصباغة مزيان نجمع الشعر و نشفوه بالسيشوار
نستعمل الوصفة 3 مرات في الشهر باش نحصل على اللون اللي بغينا

وصفة 2 لاعطاء لون بني للشعر

مقدار حنة حسب طول الشعر
ماء سلق الباربا
ملعقة ك ياغورت طبيعي مسوس
ملعقة عسل طبيعي
نخلط الحنة بماء الباربا و نزيد عليهم العسل و الياغورت ثم نديرو الخليط على الشعر و ننشفه بالسيشوار باش تثبث الصباغة
تستعمل الوصفة قبل الحمام و نخليها فالشعر حتى لنصف نهار
بالنسبة اللي شعرها ناشف بزاف تضيف ملعقة زيت اي نوع

وصفات لتسويد الشعر اكثر و تثبيث اللون الاسود
اللون الاسود

السواك محمر وطحون ومغربل
1 كاس كبير الخل اي نوع
الحنة

نديرو الحنة والسواك وتخلط بالخل تبقى 15 د نعملوه على الشعر حتى ينشف
من بعد يتغسل

الاسود الغامق المائل للأزرق

سواك مطحون
الخل

ندهن به الشعر حتى ينشف

هاد الوصفات كدار مرات فى الشهر 3
هذه الوصفات صالحة للشعر اللي لونه اسود او مصبوغ بالاسود كيثبت فيه اللون الاسود و كيولي فيه اللمعان
-1-
ثلاتة معالق كبار ريحان مطحون
كاس كبير زيت زيتون
نخلط العناصر و نديرهم فوق نار هادئة حتى يغلي الخليط مزيان و نزولوه و نديروه في قرعة زجاج لونها غامق (بحال قرعة السيرو) و نبقاو ندهن الشعر يوميا بشوية الزيت فالنهار او في الليل قبل النوم و ندلك الفروة مزيان و نخليه و يغسل الشعر في نهاية الاسبوع يعني مانحتاجوش نغسل الشعر من الزيت

-2-
كاس كبير حرمل صحيح
كاس كبير خل ابيض
تطبخ العناصر فوق نار هادئة مدة 10 د ثم ندير الخليط في قرعة زجاج لونها غامق و نبقاو ندهن الشعر يوميا بحال الوصفة الاولى مدة اسبوع و يغسل الشعر في نهاية الاسبوع و يمكن تكرار الوصفة من بعد

اللون الاشقر

م ك الماء الزهر
2 بيضات
عصير 2 حامضات

فى الخلاط نطرب البيض وماء الزهر والحامض شوية بشوية بحال المايونيز حتى يطلع ندلك به الشعر ونخليه ساعتان مع تنشيفه بالسيشوار
باش اللون الاشقر يبقى مدة طويلة كيتشللفى الاخير بماء نجارة الخشب كترطب فى الماء غليان ومن بعد كتصفى

اللون الكستنائى

عصير حامضة
2 حفنات بابونج

نديرو البابونج فى ماء غليان نصف ساعة يصفى نضيف عصير حامضة يدلك به الشعر مع تنشيفه بالسيشوار كل يوم

وصفة اخرى للون الكستنائى

6 الحامضات
3 اصفر البيض
2 كيسان الماء ورد

نخلطو عصير الحامض مع البيض وماء الورد تنديروه على الشعر خاصو يكون مغسول وناشف ونتبتوه بالسيشوار نخليوه فى الشعر 30 د او اكتر و يغسل

كنتما يعجبوكم و متبخلوش عليا بردود ديالكم و دعوات

أضـف تـعـلـيق 4 تـعـلـيـقـات

* الإسم
* البريد الألكتروني
* حقل مطلوب

البريد الالكتروني لن يتم نشره في الموقع

شروط النشر:

عدم الإساءة للكاتب أو للأشخاص أو للمقدسات أو مهاجمة الأديان أو الذات الالهية. والابتعاد عن التحريض الطائفي والعنصري والشتائم.

جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة موقعي

لا تنسوا صالح دعائكن بظهر الغيب لصاحبة الوصفة على المجهود

رابط مختصر