واش كاينه شي بنت عندها نفس المشكل أولا غير أنا بوحدي

السبت 16 مارس 2013
أخر تحديث : السبت 16 مارس 2013 - 10:43 مساءً

السلام عليكم لبناات لا باس عليكم ؟ أنا بنت عندي21 سنه عندي مشكلة معقداني و مأثرا فيا بزززاف، معمرني قلتها لشي حد ديما كنجلس نفكر فيها غير بوحدي حيت كنحشم نقولها واليوم قررتت نعاودها ليكم حينت لا حياء في الدين، هاد المشكل معقدني لدرجة أنني لي جا خطبني كنرفضو كنتحجج بلقراية، مع العلم أنني كنحمااق على الزواج بحال آي بنت.. ؤو دابا أنا على علاقة مع واحد السيد و قالي راه بغا يجي يتقدم ليا ؤ بغيتكم تساعدوني و تنصحوني ؤو نتمنى مضحكوش عليا هههههه طولت عليكم …لمهم أنا مشكلتي هي أنني فاش كنت صغيرة كانت عندي حساسية فالجهاز التناسلي و كنت كنحك بزااف ؤو دابا ولا عندي البظر أطول بزااف من حجم الشفرتين معقدني بزاف و ديما كيزعجني إلى كنت كنتمشى ويلا كانت فيا الدوره الدموية و مكنحملش المنظر ديالو، كنخاف إلى تزوجت يكرهني رجلي على ذاك المنظر.. قلبت فالنت على حل لهاد المشكل لقيت بلي كاين ختان البنات ؤ بلي هو سنة مؤكدة (بالنسبة لي عندو بحال هاد المشكل) حيت تصنت لمجموعة من الفيديوهات لشيوخ سنيين كيأكدو فيه أنه سنة لكن حقا هادشي معندناش حنا فالمغرب !! الله يخليكم بغيتكم تنصحوني ! واش كاينه شي بنت عندها نفس المشكل أولا غير أنا بوحدي ! واش طبيبة نسائية تقدر تفيدني فهاد الموضوع؟ واش كتعرفو شي وحدة جرات نفس العملية فالمغرب؟ إلى يه قولوليا آشمن بلاصة الله يجازيكم بالخير آ خواتاتي ؤو سمحو لي بزاااف طولت عليكم

رابط مختصر