تحضير حلوة ميل فوي في المنزل بطريقة سهلة بالصور

الأحد 5 نوفمبر 2017
أخر تحديث : الأحد 5 نوفمبر 2017 - 1:30 مساءً


وصفة الاخت فاتي
المقادير: انا درت العجين الجاهز ،
كرييم باتيسيير:3 اصفر البيض،4ملاعق كبيرة سنيدة،2 ملاعق كبيرة مايزينة او بودرة الكريم باتيسيير، نصف لتر حليب،شويية من قشور حامض ،
الكلاصاج روايال:ابيض بيضة، ملعقة كبيرة عصير الحامض،السكر كلاصي حسب الخليط.ملعقة كبيرة زبدة.
العجين سرحتو مزيان وتقبتو بالفرشيط عاد دخلتو لفرن مسخن من قبل حتى طابو ،
فكاسرونة نديرو الحليب يغلى ، فاناء اخر نخلطو اصفر البيض والسنيدة والمايزينة وقشور الحامض مزياان وملي يغلى الحليب نضيفوه على خليط البيض بشوية بشوية مع التحريك المستمر ونرجعوه الكسرونة فوق نار متوسطة مع التحراك حتى يعقاد دغيا كيوجد ،ملي ينزولوه نديروه فشي اناء وناطيوه بسولوغان يكون ملامس للكريم وندخلوه الثلاجة حتى يبرد .
الكلاصاج:نطربو ابيض بيضة بالطراب الكهربايي وحنا كنضيفو السكر كلاصي ونضيفو الحامض حتى نحصلو تلى القوام المطلوب فالاخير نضيفو الزبدة تكون فحرارة الغرفة ونحركو حتى ينساجمو وهاهو واجد.
نبداو فالمونطاج نقادو طبقات الورقة باش يكونو فنفس الحجم من بعد نسرحو الكريم مزيان ونديرو الطبقة التانية ونضغطو عليها شويا باش تشد مزيان ونديرو طبقة اخرى من الكريم والورقة الاخرى ونضغطو مزيان ونسرحو الكلاصاج من الفوق ونديرو خطوط من الشكلاط الاسود ونديرو ليه شكل ميلفوي فالموس وندخلوها للثلاجة على الاقل ساعة او اكثر عاد نخرجوها نقطعوها بموس مسنن وبشوية عليها راها سااهلة وكتجي زويينة بالصحة والراحة.
B

C

D

E

F

G

اتـرك تـعـلـيـق 0 تـعـلـيـقـات

* الإسم
* البريد الألكتروني
* حقل مطلوب

البريد الالكتروني لن يتم نشره في الموقع

شروط النشر:

عدم الإساءة للكاتب أو للأشخاص أو للمقدسات أو مهاجمة الأديان أو الذات الالهية. والابتعاد عن التحريض الطائفي والعنصري والشتائم.

جميع المشاركات المكتوبة تعبّر عن وجهة نظر كاتبها ... ولا تعبّر عن وجهة نظر إدارة موقعي

لا تنسوا صالح دعائكن بظهر الغيب لصاحبة الوصفة على المجهود

رابط مختصر